منتديات اسرار الحريم
عزيزي زآئر المنتدى هذه الرساله تفيد بأنك غير مسجل
ويسعدنا كثيرا انضمامك لنا..
للتسجيل اضغط هنا .. شكرا لك

ادارة المنتدى

منتديات اسرار الحريم



 
الرئيسيةاليوميةس .و .جبحـثقائمة الاعضاءالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» زراعة الخس 1
الخميس يونيو 19, 2014 5:38 am من طرف خبيره الاعشاب

» طرق سهلة وبسيطة لتغذية نباتات المنزل فقط اتبعوا هذه الخطوات
الخميس يونيو 19, 2014 5:36 am من طرف خبيره الاعشاب

» لحماية ومراقبة طفلك . كاميرات مراقبة باعلى التقنيات و بأسعار مغرية
السبت مايو 31, 2014 11:54 am من طرف زهرة واحدة

» علاج للنفاس ولتنظيم الدورة الشهرية والخوى مجرب ومضمون
الجمعة أبريل 04, 2014 5:37 pm من طرف العتيبيه

» علاج للحمل مجرب ومضمون وعن خبره قديمه من جداتنا
الجمعة أبريل 04, 2014 5:36 pm من طرف العتيبيه

» علاج للنفاس ولتنظيم الدورة الشهرية والخوى مجرب ومضمون
الجمعة أبريل 04, 2014 5:33 pm من طرف العتيبيه

» علاج مجرب ومضمون وعن خبرة للحمل باذن الله
الجمعة أبريل 04, 2014 5:31 pm من طرف العتيبيه

» خلطة للتنحيف وإزالة الكرش
الجمعة فبراير 21, 2014 9:39 pm من طرف لوليه

» ام محمد لاعدمناج
الجمعة فبراير 21, 2014 9:19 pm من طرف لوليه

شاطر | 
 

 ملف شامل سئلتكم والاجابه عن النفاس والادويه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: ملف شامل سئلتكم والاجابه عن النفاس والادويه    الخميس سبتمبر 30, 2010 11:00 am




اسئله عن النفاس

الخراب

النظام

حبيت احطها هنا بدون ذكر اسماء

اسئله عامه للاستفاده...


نجى للاسئله ....





1 شلون ماغسل شعرى وانا نفاس وشلون ماكون واقفه ؟


الترويش للنفاس يختلف.. يعنى لما تجين تتروشن وانتى نفاس لا توقفين تحت الدش

زى مانسوى حنا بلايام العاديه

لا اجلسى على الكرسى الافرنجى حق الحمام

واغسلى جسمك من تحت ,,,, يعنى لاتغسلين شعرك

السبب ...

غسل الشعر وقت الدوره والنفاس مضر للحرمه.. لان الرحم خفيف..

ويسبب ضعف للمبايض .. وفى دراسات تقول : يسبب امراض شينه
ابحثوا عن الموضوع وتشفون ...








2 بعد كم يوم اغسل شعرى وانا نفاس؟



بعد كم يوم

يعنى نفاسك كله لا تغسلينه الامرتين ثلاث بالكثير ...





3 احس بنفاسى زى الثلجه برحمى ... وش السبب ؟


السبب هواء ... حتى مع حرصك ممكن يدخل .. الهواء يدخل مع الاذن

من الرجول اذا مشيتى حافيه...







4 نظام فيافى زين ؟
ماشوف فيه شي غلط .... عندى اعتراض على شي واحد بس فيه

االمطبوخه.... او الطبيخه .. او مشروب الاعشاب

ثقيل ... وفيه اعشاب كثيره مامنها فايده ممكن تستغنين عنها ...





5 عندى حساسيه من الماش .. وش اسوى ؟
ماظن الماش يسبب حساسيه ,,, بالعموم انتى ابخص بنفسك
اذا يسبب لك حساسيه لا تستعملينه ...

6 ممكن اسوى الهوم واحفظه بالفريز ..
والله انا مافضل يصلح بدرى اول باول افضل .. وبنهايه الظروف تحكم ....

انا مثلا اشترى اغراضى من بدرى لان عندى ظغط مرتفع وعاده اتنوم اخر شهور حملى

عشان كذا ظروفى حكمت .,,,,




7 ممكن اتشطف بالمره الايام الاولى ؟
ممكن بس مو لحالها مع ملح افضل



والغسول الجيد
مره + ملح + قشر رمان + ارطا

8 ولدت السنه الماضيه ومات مولودى .. وكنت حزينه طول النفاس و




طبقت نظام ومانفع معاى تتوقعين الحاله النفسيه لها دور ؟


الله يعوض عليك .. ماحد ينكر دور الحاله النفسيه بالنفاس

اذا اجتمع بالنفاس

اكل صح
وادويه سنعه
وراحه نفسيه

بتكون النتيجه طيبه ....

بس بعد مع تقديرى لظرفك .. الاهمال مو بصالحك

انتى بعد الاربعين ودك تحملين بسرعه عشان تعوضين الى راح منك

لازم تحملين وانتى صح ورحامك سليمه

لا تهدمين شي

على حساب بناء شي اخر ..



9 التحاميل النسائيه زينه ..؟


مو شينه ولها فايده بس مو للجميع ..

يعنى الى معها التهاب ماتمشى معها ..

وانا افضل تحاميل شغل يد بالبيت

افضل .. حتى من التحاميل الطبيه ...

وتستخدم يوم وراء يوم ..



وهناك طريقه يربطون خيط بالتحميله من تحت


وتدخلينه ويبقى الخيط طالع من برى

وتنامين

والصبح تسحبين الخيط وتطلع البلاوى ..

وبالنسبه للتحاميل الطبيه الى من الصيدليه

فيه تحاميل سعرها 16 او 17 ريال

كرتون ابيض فيها خطوط خضرء

تستخدم يوم وراء يوم ...

مايحضرنى اسمها الحين

هذه جيده للاستعمال ...





10 انا طهرت من النفاس لى عشرين يوم ...اكمل النظام او خلاص عادى ؟؟
لا طبعا تكملين الى نهايه الاربعين

حتى لو مامعك دم .. كملى .. كل شي

الاكل الممنوع تتركينه...

والنظام خليه قائم

والغسول

كل شي ... كل شي ...

وهذه من الاخطاء اللى تصير اذا طهرت قالت خلاص قضيت ,,,





11 ماهو ا لهوم العشرين يوم الاولى ..



ماش + حلب

تطحن بعلبه وتكون نفس المقادر يعنى مقادير متساويه

ويسف الصبح سف

ويشرب عليه حليب حار

او ممكن تحطينه بعد مع العجينه وتسوين خبزه ..

واللهوم على جوع افضل ... يعنى لاتاكلين قبله شي




12 كيف التمره والرشاد ؟ ومتى تستخدم اول الايام او اخرها ؟
التمره اهم ركن من اركان نفاسك ..

تمر بدون فصم ... بدون نوى .. ويفضل التمر الجيد

تكون معبوطه يعنى معجونه .,, تحطين شوى بقدرر وتحطين معه

رشاد حب بدون طحن+ فلفل اسود + حبه سوداء + سمن برى وانا افضل السمن البرى

اكثر من زيت الزيتون فيه بنات تحط زيت زيتون ماتبى السمنه

السمن افضل .. تحمى التمر على النار تسخين خفيف

وتاكلين منها طول الاربعين

صبح ولليل وكل وقت مفيده

وتشربين عليها قهوه بدون هيل مع دواء القهوه



13 الطماطم ... الموز .. الا ناناس.. الفاصوليا .. الجزر ... البطاطس .. تضر بالنفاس؟
ممن تاكلين مع المرقه والمرقوق بطاطس

الباقى مانصح فيه ...







14 اشوف عند حريم اخوانى قواطى خضراء وحمراء .. ولاعرفت وش و الا من المنتدى انها ادويه

ولهوم ...؟

هههههههههه مو مهم لون العلبه المهم اللى بالداخل ... ومدى الاستفاده من القوواطى والاستخدم الزين لها

الطيبه الى تخلص القوطى حقها .. مو بعضهم يطوف وتنتهى صلاحيته .. وهى ماكلت منه ..



15 اخذت لهوم عباره عن

( قشرر رمان +رشاد + حبه سوداء+ حلبه + سكر نبات )
واشربهم بعصير .. صح او غلط ؟
بعصير ... وويلى ويلاه

مااردى من الاول غير التالى

لا طبعا مايصلح ...





16 بنفاسى ماينزل معى دم بس افراز بنى .. ومعى صوت .. واحس برود جنسى وزوجى ضايق منى ؟

ياختى الحاله عندك حاله

عدم نزول الدم بنفاس ممكن يصير مع العمليه القيصرى

مو عدم نزوله لا يكون قليل

وبحالتك

ماينزل معك دم وشي بنى + صوت

دليل خراب اكيد

والنتيجه البرود وشكوى الزوج ...

عطى نفسك مده علاجيه ثلاث شهور ثلاث دورات وراء بعض

واهتمى بكل التفاصيل الصغيره ..
من اكل

وشرب

ولهوم
ادويه

وممنوع

وكبو

بالنسبه لحالتك ..

عليك بالكرشه باول دوره تجيك كرشه الذبيحه

وبحط موضوع مستقل عن الطريقه للكرشه
هذا للعلاج الصوت معك






16 انا مو حامل ... بس اقدر استخدم الهوم بالدوره ؟
طبعا واكيد والمفروض تتعاملى مع دورتك الصغيره بنظام تعاملك بالنفاس الكبير

اهمال الدوره شين .. احذروا يابنات ...

17 انا حامل ومعى صوت .... وش اسوى ؟
مانصحك تسوين شي كونك حامل ,,, ربك يعين
بس لاتفتحين رجولك قدام مكيف

خاصه وقت العلاقه .. وفهمك كفايه

هذه نتيجه الاهمال ... جايك نفاس

الله الله بنفسك ...

18 قلتى بموضوعك حلب تقصدين الحلبه ..؟
نعم هى نفسها

19 وش فايده الغسول؟

يشد المنطقه ويطهرها ويساعد بالتائم الجروح



20 انا قيصرى استخدم الغسول ؟
نعم تستخدمينه ..

12 كيف المنقوعه ؟
المنقوعه

تجبين علبه مويه صحه صغيره
وتحطين فيها شوى ..

عنزروت+ محلب + مره + مباركه شوى

وتحطين مويه وترجين العلبه

وتخلينها تركد

وتشربين منها ...



1 2وش احط مع الاكل وانا النفاس؟


مرقوق
مرقه لحمه
اى اكل

تحطين معه

حبه سوداء + ماش + حلب

يكون حب غير مطحون


22 وش هى الاشياء اللى تخرب ؟

الصك

اللك

الشبه

العفص



23 وش الحل مع الفرزات والمويات ؟
الاهتمام بكل شي

بالدوره والنفاس

من اكل وشرب وكبو

وغسول

وابتعاد عن الممنوع

والحل عندى للمويات

لهوم يستخدم العشرين يوم الاخيره بس لاتكثرين لانه ينشف مره

مرتين باليوم يكفى ...



24 ذكرت الرزنه .. شلون استخدمها ؟



الرزنه اطحنى عندك بعلبه صغيره

واذا شربتى شاهى عادى حطى بالكاسه حقنت شوى واشربى الشاهى

تنظف البطن وجيده جدا بالنفاس ...


25 استخدم كبو وانا بنت ماتزوجت ؟



ممكن تستخدميه عادى

هو علاج للهواء واغلب البنات معهم هواء للاسف



26 وش الممنوع تستخدمه البنت الى ماتزوجت بالنظام ؟

التحاميل

ممنوع تستخدمها البنت الى ماتزوجت ..

والباقى عادى

27 اقدر اسوى الكرش وانا مافينى صوت ؟


نعم تقدرين وانصح فيها

28 انا معى صوت ومسوى لى احراج كبير .. بس ماقدر اجيب كرشه ذبيحه صعبه

فيه حل ثانى ؟


فيه حل مع انى افضل الكرشه

بس ماتسكتين على حالك

سوى خبزه بالفرن طحين بر

وحطى فيها كل الادويه الى عندك

حبه سوداء + ماش + فلفل اسود

حلب

واعجينها مع الخبزه ودخليها افرن تستوى

وبعدين طليها وحطيها بصحن

وبطانيه

نفس خطوات الكرشه

بيخف الصوت معك

وبالتكرار والمواظبه والحرص والاهتمام بينتهى
باذن الى ماتنام عينه .. بس لاتهملين




26 انا قريت موضوعك وقمت اشك بنفسى... مدرى
بس وش اكبر مشكله ممكن تواجه الوحده بالنفاس ؟
اكبرمشكله بالنفاس

الهواء

خواء الرحام

وسببه الجوع والاهمال

واعراضه

صوت من تحت يشبه صوت .. ط ...

وهومحرج ومزعج وويصيب البنات والمتزوجات

والمشكله اللثانيه

المويات والافرزات

تضايق الزوج وتنكد على الوحده

وعلاجها الاهتمام

والكبو



28 و ش اعراض الشمم ؟
الدوخه

الغثيان

الاستفراغ

نبض ودف مكان الجرح

الطبيعى من تحت

القيصرى من العمليه ..

_________

هذه بعض الاسئله الى وصلت عندى

اتمنى لكم الفائده

موفقين خير جميع


الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الخميس سبتمبر 30, 2010 11:18 am

الله يجزاك خير لكن انا توني جايه من العطار عطاني الصك والك مع الصمغ وحب الرشاد قال هذا مهم جداااً للعظام ووجع الظهر يعني تاخذين ملعقه في الصباح والمساء على كاس حليب دافي ...


ماراح اعلق على كلامك الا بنقطه واحده ,... لانها صدمه بالنسبه لى ,,,

الصك واللك ....

اكبرمخرب للحرمه

صحيح يقفل الدنيا معك بس مؤقت ...

والجسم اذا تعود على الصك واللك اصبح اسير ... لشى مضر

اى عظام الى مفيد لها ؟؟؟

اسئلى اى وحده عندها ذمه وضمير بتقولك

الصك والك

والشبه

والعفص

خراب للحرمه ...

تخليك مويات تجرى ... لو غفلتى عنه يوم ...

موفقه خير





المنقوعه وش وظيفتها ومتى نستخدمها؟
بالنسبه للترويش اذا ثلاث مرات طول النفاس والله صعبه الشعر يزيت وشكلك عند زوجك مو حلو اذا زارك او الناس ؟
ومتى ابد اول مره اتروش بعد الولاده بأسبوع او اقل او اكثر ؟




المنقوعه...

تستخدم عادى اى وقت طول الاربعين

عنزروت + مره + محلب +مباركه

بعلبه على مويه

الترويش .... تروشى بس الشعر مانصح فيه ....

شكلك عند زوجك مو حلو ؟؟؟؟

طيب شكلك عند زوجك بعد الاربعين ومعك خواء ارحام بيكون حلو .,,,او صوت طالع معك شلون شكلك ذيك الساعه!

ياختى انتى نفاس

لفى راسك وشعرك بطرحه او غطاء لان الهواء يدخل مع الاذان

شكلك بيكون احلى من كل النواحى بعد الاربعين

زوجك مايهمه زيت شعرك

بقدر مايهمه امورك من تحت وهو ينتظر عقب الاربعين

كثير منكم يقدم السنه على الواجب

ايهم اهم مصلحه نفسك

او منظر وشكل مؤقت

موفقه خير





اسألك عن الربط للطبيعي
بمشد اللي يقولون عنه الاندونيسي ولا شمااااغ ؟





مافضل المشد الاندونسى

او عشان اكون اكثر دقه ماجربته...

ولا احد من الى حولى جربه

الربط بالشماغ افضل ....

انا مع الربط بالشماغ بقوووه

موفقه خير




عندي سؤال..انا لي والده شهرين ونص معي إفرازت صفراء وانتي بكرامه بس هالشي جاء بعد الولاده واحس فيه رطوبه زايده وقت هالشيء رغم انه قبل كنت استخدم مزلاقات وكريمات هل انا خربانه واحتاج علاج ؟؟؟




باذن الله مانتى خربانه

الخراب يكون

الصوت من المنطقه + مويات

وانتى ماعندك خراب كايد

بس حالتك تحتاج وقفه ... الافرزات والمويه شي يضايق الزوج


انتى الحين بدون حمل

عطى نفسك

مده علاجيه 3 شهور

3 دورات

واهتمى بكل شي

من اكل
وشرب

وابتعاد عن الممنوع
وكبو


ولا تهملين نفسك اعتبار من الدوره القادمه

موفقه خير




كيف طريقة التحاميل اللي تتصلح بالبيت؟

التحاميل بالبيت

مره مطحونه +محلب مطحون + ملح خشن

تعجن بعسل

وتكون بحجم النوى حق التمر

وتنشر بمكان جاف

وتستخدم

بس اذا فيه التهاب مانصح فيها
موفقه خير





بس بسئلك عن الكبو الا هو قشر البصل العادي الي عندنا صح والكمون يكون حب لو مطحون والمره تكون مطحونه لو مكسره ومتى ابدا اسويه وبس اوقف وهو تحتي والله ششلون ومشكورة مقدما يجزاك الله بالجنة

والغسول الجيد

مره + ملح + قشر رمان + ارطا

الملح الخشن لو العادي وتكون المكونات مطحونة لو عادية يعني انقعها بموية واتشطف فيها؟؟؟




قشر البصل نعم هو العادى الى بالبيت ماغيره

يفتت بالليد والكمون للكبو مطحون والمره مطحون

تجمعينهم بعلبه عندك بالحمام

وتستخدم كبو على فحم ...

وتسوينه اخر الايام من دوره ونفاس

الدوره اخر يومين او ثلاثه على حسب مده دورتك

والنفاس العشرين يوم الاخيره
بس اغلب الحريم تبدا فيه قبل

من الشمم والهواء

ومافيه مانع تبدين فيه قبل

توقفين وهو تحتك

لا لا.....


تغلفين صحن عندك بلاستيك قديم بقصدير

وتحطين فحمه على النار

وتحطينها بالصحن

وتحطين عليها من مكونات الكبو الى جمعتيه ...

وتحطين الصحن بالكرسى الافرنجى بالحمام

تنزلين الصحن تحت بالكرسى

وسكرى مرواح الشفط

وشيلى ملابسك الداخليه

الكلوت

واجلسى على الكرسى عادى

بس لايكون فيك نقط بول ..

تبولى قبل

اجلسى دقائق

لحد مفعول الكبو ماينتهى

والبسى فوطه وملابسك وسروال طويل

وانتى جالسه الكبو

مو واقفه

الملح الخشن هو الملح الفارسى

وليس ملح الطعام ساسا

الغسول افضل تكون مكوناته مطحونه حتى يركد معك بالمويه ويصفى وتغسلين فيه

موفقه خير





ودي اسألك عن الكبو حق قشر البصل و الكمون و المره

هل تكون مقاديرهم مطحونه او لا .. ؟

و كيف الكميه .. ؟

و ايش هي فايدته .. ؟





مقادير الكبو انا افضلها مطحونه

اطحنها واحطها بعلبه عندى بالحمام ...

الكميه انتى تقدرينها

بس تكون متقاربه

الفائده للكبو ...

محاربه الشمم

للوالد ...


والشمم عدو للنفاس

وتحسين فيه بنبض ودف مكان لجرح

القيصرى مكان العمليه
والطبيعى من تحت

وغثيان واستفرغ

بسبب شم عطر اثر على الجرح

والكبوو علاج فعال للحاله

والكبو له فائده

بخروج الهواء من الرحم

وكثير حريم بعد الولاده فيها هواء

يبدا من غرفه الولاده نفسها

البارده والرجول مفتوحه

ويتاثر الرحم

الكبو جيد للنفاس وركن مهم

موفقه خير








الحلبة الافضل تكون حب و الا مطحونه ؟؟؟؟؟؟....لاني قريت ان طحنها يقلل من فائدتها !!!!...يعني ينفع اشريها حب و اطحنها و اخذها مع كوب حليب؟؟؟


الحلبه للطبخ مع المرقوق والمرقه والاكل

نعم حب تطبخ مع الاكل ..

مع الحليب ...

افضل طريقه ..

بقدر صغير حليب طازج المراعى مثلا
وحلب حب وفلفل اسود شوى

واللى فيها بواسير لاتحط فلفل تيجى البواسير مع الولاده احيانا ..

سيطبخ الحليب ويصب بكوب ويركد ويشرب ساخن ...

الحلب يقل الفائده بالطحن اذا طول ..

يعنى لا تحطحنين وتخلينه

استخدمى على طول .. اذا ودك مطحون ...





الرشاد !!!!!!!!..احترت فيه من كثر ما اسمع ناس تمدح و ناس تسب ..يا ليت اعرف رايك و ايش فائدته للنفاس بالظبط ؟ و هل كثرته مضره فعلا و تسبب ضرر للرحم؟


الرشاد يحط مع التمره ... + السمن + الفلفل الاسود + حبه سوداء

ويكون حب .. ويكثر الرشاد بالتمره ... ماقدامك الا العافيه

وتاكلين من التمر طول الربعين باى وقت ..

ويضاف بعد للمرقه والاكل حب يطبخ معها ..

ماتشوفين الا العافيه ....





- دواء القهوة !!..وش تسوي اللي ممنوعه من القهوة و الشاهي..يعني حتى ما تقدر تخفف منها ..لانها تتعبها جدااااا..يعني تستغني عن دواء القهوة ؟؟؟...و الا ينفع تنقعه بماء دافي و تشربه ؟؟؟؟؟؟؟؟؟



ممنوعه من القهوه ... انتى ابخص بصحتك اذا تضرك ابعدى ..

مع انى مو شايفه ذاك الضرر ..

ممكن تسوين قشر قهوه

او قهوه شعيراذا يناسب معك

او تسوين شاى الاعشاب

كمون + دارسين بس بدون سكر

وتحطين دواء القهوه وتشربين .. افضل من المويه





الرزنة كم يوم تؤخذ في النفاس ؟
انا قلت مع كاسه الشاهى ..

يعنى بيكون اخذك لها قليل ...

كم كاسه شاهى تشربين وانتى تقولين يضرك الشاى وممنوعه منه ..

حطى بشاى اعشاب واشربى ..

او مويه حاره ..


او بكوب حليب

انا اطحن بعلبه صغيره بالحيل

واستخدم على حسب شربى للشاى ...

طول النفاس...

المهم يخلص النفاس مخلصه العلبه

موفقه خير

الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الخميس سبتمبر 30, 2010 11:30 am

عندي سؤال:ليش مااستخدم الكرسي الافرنجي؟طيب الخياطه من تحت تنفك /واذا انا فهمت غلط فهميني انا بكر ولا اعرف شي


من قال ماتستخدمين الكرسى الافرنجى...

؟؟؟؟؟؟؟؟؟؟؟؟؟؟؟؟؟؟؟؟؟؟

الكرسى الافرنجى افضل وقت النفاس والدوره
والى حمامها مافيه كرسي افرنجى

تركب ماياخذ يوم بالتركيب ..

الكرسى الافرنجى افضل ....

اولا طريقه الجلوس مايجيك هواء

تجلسين وتضمين رجولك

مو تقعدين مبوبزه

زى المرحاض الارضى

والافرنجى افضل للخياطه

واسهل بالقومه ,, وانتى نفاس

والافرنجى انجح باستخدم الكبو وافضل

انتى فهمتى غلط

انا مو ضد الكرسى الافرنجى..

انا سافرت مره ولدت عند اهلى ....

ماعندهم كرسى افرنجى ..

جبت سباك وركبت ..




حبيت اسألك وش الماش لاني رحت للعطاره وطبت ماش وعطاني حبوب خضرا ليت تجاوبيني والله ماني عارفه كيف اشكرك الله يوفقك




نعم هى حبوب خضراء

وروحى للعطار كبير ومعروف .. بيعرفها ...

خوذى منها اذا انتى تجهزين لللنفاس

تحتاجين كميه

اولا ...

لهوم العشرين يوم الاولى

ماش + حلب

جهزى علبه تكفيك عشرين يوم واعملى حساب اخت النفاس عقب الاربعين

وتستخدمين الماش

بعد مع الاكل ... المرقه والطبخ .. حب



هل يصح استخدموة وانا مو نفاس يعني بايام الدورة
ياليت توضحين لي

والماش وشو ماعرفتة
وقشر الرمان ممكن ينشرب ويتغسل بية





اللهوم يصلح تستخدمينه ايام الدوره ...

والدوره قلت قبل كذا ماتختلف بالنظام عن النفاس

الدوره اخت صغرى للنفاس كبير
الى تسوينه هنا تسوينه هنا ...

الماش

حبوب خضراء صغيره

وتحتاجين كميه كبيره منه ايام النفاس

القشر ... غسول

ولا يشرب

يطحن ,,,, ويضاف للمكونات الغسول

مره وارطا ...







سؤالي انا كان عندي الصوت هذا من اول اللي هو الخراب واعترف اني بنفاسي اللي راح ماسويت شي كنت مرة صغيرة وماعندي احد يعني عمري 17 سنة وامي بعيدة بديرة ثانية ولا احد نصحني بشي
المهم جاني الخراب وانا صراحه توقعته عادي بعد الولادة ومستمر معي 7 سنين والحين انا نفاس بطفلي الثاني ونفس الطريقة ماعندي احد يساعدني بشي لاكن اخذت نظام للنفاس واحاول اطبقة
الصباح افطر تمرمع رشاد وسمن عالريق مع قشر قهوة بعدها اشرب حليب بالحلبة ويكون هذا مشروبي القشر والحليب بالحلبة الين الظهر طبعا افطر عادي بيض مسلوق او كبدة او شكشوكة خخخخخخ مع خبز الظهر غدائ سليقة اللي هي مرقة حقت اللحم طبعا من المطعم لان ماعندي احد يسوي لي لاكن ماعليها طعمها زين ومبهره ومفلفة مع لحمة او دجاج او رز
العصرية يجون زيارات واكل شعبايت عيش رز وسليقة وقطايف مرقوق وفته ومن هالشغلات كلها شعبيات والعشا اخفف دايما واشرب ينسون وكمون واشرب حلبةة ونعناع
واغسل بالمرة والرمان فقط
والبخور الكبو ماسويته لحد الان لاني تعبانة ومقدر اجهزة وانا لي 5 ايام نفاس هل نظامي صح وراح يشيل الخراب ولا لا
مع العلم اني بسوي طريقة الكرشة خلال هالاسبوع ان شاء الله ياليت تردين علي نظامي زين او ناقص شي مهم وضروري








اهمال وانتى معترفه ...


وصوت سبع سنين وساكته ...

شلون تحملتى ...

فطورك ماعندى اعتراض بس ليه ناشف ,... ليه ماتفطرين

خبز صاج او جمريه بادويه ..

يبدو لى انك مو جاهله بلامور

والدليل احساسك انك اكيد بيجك خراب

بس ظروفك صعبه

ماعندك احد ..

نظام زين بس خفيف ..

حاولى تكملين .. الكبو

واذا انتى لللحين نفاس

عليك بالكرشه

وسوى لك لهوم

ماش + حلب

يسف سف على كوب حليب ساخن ...



انا مستحييييييييييييل اقدر احط الحلبة بفمي او اي شي عليه حلبة ماتتقبلها نفسي بشكل فضيع فهل ممكن اخذ كبسولات الحلبة فقط؟



لازم تتعودين.,,

شلون بترجع امورك وبعض البنات ماتحب ريحه الادويه

كولى حلبه

استفرغى

مو مشكله

مره

مرتين بتتعودين ...

شوفى طريقه اخف على نفسك

يعنى اطبخيها مع حليب ساخن واشربيها

اطبخيها مع مرقه او مرقوقه بيضع طعمها شوى وحاولى تاكلين ...

اقراص الحلبه الطبيه ... مامدح ولا ذم

بس انا متاكده لاتساوى مفعول الحلبه الطازجه

الحلبه افضل من الاقراص

طيب ...

حطى فى بالك وانتى نفاس او دوره

ان غيرك افضل منك ...

وانتى بيدك تكونين مثلهم ليه ترضين بالشين ,,,

حلولى ...

لان الشى يضرك ..




ضرررغسل الشعر اثناء الدوره
وشوفى النتيجه

الوقف تحت الدش للنفاس

والمويه تصب علىراسك دمار لك

وضعف للمبايض

اسئلى اى عاقله تخبرك بهذا

وغسل الشعر للنفاس فوق ضعف المبايض يوقف الدم

ياختى الكلام مفروغ منه

لانه لايختلف عليه اثنين ...

انا مو ضد النظافه
ولكن قلت الاستحمام للنفاس له طريقه خاصه
يغسل الجسم من تحت

وللمعلوميه بعضهن لاتغسل بل تمسح بفوطه مبلوله

والشعرنعم
اقولها واعيدها مرات

ومراااااااااااااااااات

لايغسل اثناء النفاس

كثير

حتى ثلاث مرات كثير

لكل من تبحث عن مصلحتها

واى وحده تغسل شعرها واقفه تحت الدش

تبنى زوايه بخراب حياتها الزوجيه

لانه له ضرر كبير عليها












الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الخميس سبتمبر 30, 2010 11:48 am

بسألك فيه ناس يقولون حتى لما تجي تتحممي وقت النفاس حتى الرجول لايجيها مويه ماادري صح هذا الكلام ولا لأ؟؟؟؟؟
طيب واذا كان صح لين جيت استخدم الغسول مااستخدمه وانا واقفه في البانيو ولا كيف؟؟؟؟؟؟؟؟؟؟؟؟
ردي علي الله يجعله في ميزان حسناتك





طريقه الاستحمام وقت النفاس تكونى جالسه ماتوقفين تحت الدش لاتخلين المويه تضرب راسك وانتى واقفه

رجولك يجيها مويه بس لا تفتحينها

ضميها جمب بعض

الغسول ...

يكون بعلبه عندك بالحمام وتحطين شوى منه بسطل كبير وتحطين عليه مويه حاره او دافئيه اللى

تقدرين تتحملين الحراره

واغرفى بطاسه حقت الحمام واغسلى المنطقه وانتى جالسه مبوبزه

الغسول مدته دقائق



سؤال شرايج بشرب الماي اثناء النفاس زين ولا مو زين ؟؟


مانقدر نقول لاحد لايشرب
اشربى بس تكون مو بارده

طبعا كثره المويه اكيد مو زينه

بس خلى شربك معقول

انا بالنسبه لى اشرب بالنفاس اذا عطشت

المنقوعه ازود عليها شوى مويه معقوله البروده واشرب



\سؤال صغير وش احسن نوع اللحلب ؟



اللى اعرفه نوع واحد من الحلب ماغيره

يمكن تكون هناك انواع رخيصه

هنديه مثلا ...

اطلبى نوع غالى .. مو الرخيص




اسألك المنقوعه متى اخذها طول وقت النفاس والا كيف؟؟؟ واشرب منها مقدار فنجال ولا ايش المقدار وكل يوم انقعها ولا اعبي القاروره مويه واحطها في الثلاجه وكل يوم اشرب منها.





المنقوعه طول اللنفاس نعم ... واشربى منها باى كميه ,...

عبى القاروره نص تعبئيه ولما تجين تشربين زودى عليها مويه معقوله البروده واشربى

نعم حطيها بالثلاجه

وكل فتره جدديها

انا شخصيا استغنى عن الماء ايام النفاس واعتمد عليها ... قد ماقدر




الرشاد متى ينوخذ بالعشرين الاولى من النفاس ولا بس الاخيره


الرشاد باول النفاس يؤخذ مع التمره ... يخلط مع مقادير التمره ....فقط

ويؤخذ باخر الايام مع السفوف..






اختي بغيت اسئلك انا نفسي مسدوده عن الاكل يعتي باختصار طول اليوم وانا جوعانه ولي هلحين 22 يوم من نفاستي وش اسوي علشان تفتح شهيتي وبالنسبه للكرشه اللي ياكلونها الخربانات وش طريقتها بالتحديد

طبيعى تسالين عن علاج الخراب ... وانتى ماشيه فيه

انتى قاعده تحطين زوايه كبيره بالخراب

اى نفاس كامل يكون سليم من ثلاث

الجوووووووووووووووووووع

الشممممممم

الهوااااااااااااء

وانتى متمسكه بااكبر مخرب الجوع

الجوع دمار للنفاس..

ليه الشهيه مسدوده,,,

انتى تطبخين بنفسك ماعندك احد وانسدت نفسك ...

او تكرهين ريحه الادويه ....

فيه نوعيه من الحريم وهى قله الحمدالله

يستمر معها الوحام لنهايه الاربعين

وهنا مصيبه ...

حاولى تاكلين وانتى مغمضه

استفرغى ..........

مو مشكله

مره ومرتين ...

حطى قدام عينك انك بتخلصين الاربعين

وش بيكون حالك مع زوجك

ماتسوى عليك يسمع منك صوت طالع

النفاس فتره ذهبيه للى تعرف تتعمال معها ..




عندي سوال الله يجزاك خير وهو عن اختي
اختي والده قيصري وهي اول وحدة عندنا بالعيله تولد قيصري ومانعرف هل نظام القيصري نفس الوالدة طبيعي؟
وامي سمعت ان الكبو موزين للقيصري ما ادري هذا صح ؟
وكيف تعتني بالجرح عشان يطيب بسرعه؟



نعم نظام القيصرى نفس نظام الطبيعى ...


ماعدا ...

القيصرى ماتشرب حليب اول الايام يسبب امساك والشى خطر على الجرح فقط اول الايام

القيصرى ... ماتربط بطنها مثل الطبيعى ...

والباقى نفس النظام

اكل

وشرب

وممنوع

وكبو

والاعتناء بالجرح عن طريق

الاهتمام

والاكل ...

وابتعدى عن الشمم لانه اخطر شي تتعرض له القيصريات





حبيبتي بسألك عن المنقوعه كم مقاديرهابالضط



المنقوعه ......

ملعقه عنزروت + ملعقه مره + شوى محلب

كثره العنزروت انتى ابخص بنفسك اذا توجعك قللى ..

ممكن تكون ملعقه المره كبيره

وملعقه العنزروت صغيره

المنقوعه مهضم ممتاز وملين وتنظف الامعاء

وحطيها بالثلاجه


دورتك مو منتظمه ... وقليله بعدد الايام

والشى يتعبك مو زين لك ..

يمكن تخلبطت الهرمونات عندك بعد حبوب منع الحمل

بالحاله تروحين دكتوره ,,, تشوفين وش المشكله

لان دوره بالنظام ماتنفع ابدا ...

احط لي كاس حليب واحط عليه ملعقه لهوم(ماش - فلفل ابيض-زنجبيل)واشربه على الريق


جيد .. بس ليه ماتضفين حلب للهوم هذا افضل خاصه اول الايام ,...

تاكلين تمر برشاد وحبه سوداء وفلفل اسود حلو ...

نظامك زين بس ناقص ,,,

الغداء والعشاء حاولى تاكلين مرقوق وبر افضل لو وجبه بين الوجبات

اى اقول دائما اى وحده ينزل معها دم غير صافى ... يعنى قطع جامده زى قطع الجلى

او على قولتك زى الحم المفروم

الشى دليل خلل ....

الدم يكون صافى

بعضهم تقول نزل منى قطع جامده زى الجلى وتحسب الشر نزل

الشى دليل ان دورتك السابقه فاشله ...

نومه للظهر غلط ...

الجوع غلط

القرفه والمرميه عادى شربهم مامنهم خلاف ,,,,

روحى للدكتور شاطره تشوف مشكله الدوره عندك

دورتك هى اساس مشكلتك





انا قريت انه الوحده تروح للمراخه وهي في الاربعين متى تروحلها بعد الولاده ؟
وربط البطن متى يكون بالضبط؟
والكبو هو انه الوحده تتبخر من تحت و كيف طريقته؟





المراخه ,.... اعرف تروح لها وحده طولت ماصار معها حمل

تروح بعد ماتروح للمستشفى ويثبت مافيها ولا فى زوجها شي

هنا تروح للمراخه ... ممكن يكون عندها ميلان بالرحم

والله اعلم

بس بعد الاربعين

وشوله اروح للمراخه !!

_____________

ربط البطن ...


الطبيعى بعد الولاده

من الاسبوع الاول ....


وتربط بالشماغ افضل وتدهن البطن بجوزه الطيب

او زيت زيتون وتربط بشماغ

القيصرى هنا المشكله ... ماتربط

واذا تم الربط بيكون متاخر لان الجرح طرى

واذا صار ربط بيكون فاشل ... مايعطى نتائج حلوه مثل الولاده الطبيعى ..

_______________

الكبو


تجمعين انتى مكونات الكبو ....

وفيه عند العطار نوعين كبو

كبو شمم

كبو هواء

كبو الهواء هو كبو النفاس والدوره

وكل النوعين الجاهزين عند العطار فيهم مواد غلط مو زينه

اللى تعرف تشيلهم

واللى ماتعرف تجمع الكبو بنفسها

وتطحنه وتحطه بعلبه بالحمام

والطريقه ..

تحطين فحم على النار

وغلفى صحن بلاستيك عندك قديم غلفيه بقصدير

وحطى الفحمه بالصحن

وحطى من مكونات الكبو على الفحمه

وحطى الصحن بوسط الكرسى الافرنجى بالحمام

وشيلى ملابسك الداخليه الكلوت

واجلسى على الكرسى عادى

حاولى قبلها تتبولين

لان المثانه اذا فيها قطرات بول بينقط على الفحم ويخرب عليك الكبو

وتظطرين تسوينه مره ثانيه ..

اجلسى لحد مايخلص مفعول الكبو

وطبعا سكرى مرواح الشفط بالحمام

وانتى جالسه ضمى رجولك جمب بعض

واذا خلصتى البسى ملابس داخليه

وسروال طويل

واحلى وقت للكبو عند النوم

ويستخدم اخر ايام لدوره

واخر ايام النفاس

الا اذا جاءك شممم

لا يستخدم قبل





الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الخميس سبتمبر 30, 2010 12:40 pm

ابسالك انا بكريه ومولده قيصيري لي 20 يوم بس الاحظ ماينزل دم معي كثير يعني اقعد يومين ثلاثه وبعدين ينزل شي بسيط

مع العلم اني مداومه على الاكل وادويه النفاس ومهتمه بنفسي نفس كلامك




القيصرى نعم ماينزل معها دم

قليل مقارنه بالطبيعى

بس اخت النفاس بتكون عليك قويه

اهتمى فيها ... مثل اهتمامك بالنفاس واكثر


المهم بموضوعك ...

اذا وقف الدم ... وانتى بالاربعين

لا توقفين نظامك


استمرى اكل

واشرب

وابتعاد عن الممنوع

وكبو

وكل شي

خلى نظامك ماشى


ولا تظنين بتوقف الدم خلصتى ...


موفقه خير





وكمان الكبو كيف الوحده تستخدمه وما عند اهلهاحمام افرنجى؟


الحمام الافرنجى اريح باالاستخدم للنفاس...

واسلم للخياطه..


ماعند اهلك

ركبى واحد

التركيب ياخذ ساعه بس

جيبى سباك ويركب كرسى افرنجى خلال ساعه... وممكن بعد الاربعين خلاص تشيلينه

او

فيه بالصيدليه كراسى للحمام

جيبى لك واحد وانتى نفاس


موفقه خير



انا بنت ومع هواء ذبحنــي وافرازات .. ودايم مبلوله من تحت



عطى نفسك 3 دورات علاج

3 شهور

ابدى من الدوره الجايه

بس تكون عندك عزيمه

مو تخربطين وتقولين مليت


ابتعدى عن الممنوع بالاكل

ايس كريم

بيبسى

مشروبات غازيه

عصائر

بطيخ

شمام

برتقال

ليمون

وغيرها من اكلات ممنوعه

لا تمشين حافيه

لا تتروشين وانتى واقفه تحت الدش وتخلين المويه تضرب راسك

تروشى من تحت لتحت

لا تحطين رجولك قدام المكيف

الاكل خليه شوى سنع

مرقوق

مع حبه سوداء وماش وحلب

وفلفل اسود

ابسط شي

اسلقى لك دجاجه مع بصل وثوم بدون خضار

على مويه بيضاء وحطى معها

حبه سوداء

حلب

وماش

اشربى حليب ساخن مع فلفل اسود

حطى بالفوطه الصحيه حقتك كسره مره

او مسحه حلتيت والبسى الفوطه

واياك تستخدمين تحاميل وانتى بنت احذرى

سوى لك كبو اخر ايام دورتك

اذا دورتك خمسه ايام اخر يومين

واذا اكثر من خمسه اخر ثلاث ايام

اعبطى شوى تمره مع رشاد وفلفل اسود وحبه سوداء


وزيت زيتون وكلى منها وخلى الحلى عنك

حطى بفنجالك دواء قهوه اذا امك تعرف خليها تصلح لك علبه

وحطيها بالثلاجه كل دوره تستخدميه

اخلطى لك سفوف وسفى منه بايام دورتك

سوى لك شاى اعشاب

بترمس واشربى منها دائم


ارفقى على عمرك

وانتى بنت


عندي سؤال
الحين الوحده اذا ولدت وكانت في المستشفى طبعا بيكون بطنها فاضي وتعرفين اكل المستشفى اضطر اكله لانه ماعندي احد يسوي لي اكل
بس ابغى شيء اشربه يعني ايش افضل شيء انا كنت اشرب عشرق لاني اعاني من الامساك والشرخ فاخذه اخاف من الامساك


عادي اخذه ولا استبدله بشيء ثاني من الاعشاب


السؤال الثاني ايش افضل شيء للاطفال بعد الولاده يخفف المغص




بالمستشفى يازين القهوه اذا جتك مع تمره برشاد وحبه سوداء

مع دواء قهوه ...

وافضل شي شاى الاعشاب ... حق النفاس

الامساك اذا كنتى قيصرى .. يعطونك حبوب بالمستشفى عاده

مغص الاطفال

نينسون ...

وحلبه بشوى سكر نبات ...

موفقه خير





انا حبيت نظام فيافي وبمشي عليه ان شاء الله وهو قريب كثيييييييييييير من نصايحك


بس ممكن اني اسوي قشر قهوه مع زنجبيل وشمر وقرفه مثل القهوه وإلا اكتفي بقشر القهوه اللي مع اللهوم يعني عاد\ي لو اضيف شرب قشر القهوه




وكمان سؤال انا سببت لي التحاميل اللي فيها ملح بعذاب وحكه عشان كذا بستعيض عنها بتحاميل طبيه عادي وإلا لا ؟
وكمان بسألك غسول الارطا يوميا يعني من اول يوم وهل هو الدباغ ؟






نظام فيافى حلو ..ماعليه بس شاى الاعشاب ثقيل

اشربى قهوه مره عاديه مع تمره ورشاد
وقشر قهوه بطرقتك الى تحبين


نعم اذا معك حكه وقفى التحاميل

واستخدمى طبيه يوم وراء يوم بس شوفى نوع جيد

غسول من اول يوم نعم

والدباغ شي اخر

كركم وقشر رمان

يختلف عن الارطاء

وكلهم ممتازين





الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الخميس سبتمبر 30, 2010 12:49 pm

الأرطه وقشر الرمان كيف يستخدم وما فائدتهم

وايش هو الكبووووووو>>>>




الارطاء وقشر رمان هذا غسول

تغسلين المنطقه ويضاف لهم مره ويكون الجميع مطحون

والكبو = البخور ...

تتبخرين فيه من تحت يعني زي البخور تبخر المنطقه الحساسه وهي واقفه



امي تقول غلط كبير تستخدمين قشر الرمان والارطا في اول النفاس لانها تيبس الغرز وتطيح قبل مايجبر ويلتأم الجرح

وش رايك ؟؟؟؟؟؟؟





الغسول يستخدم اول النفاس

مامنه ضرر ان شاء الله ...

الجرح يلتئم اذا فيه اكل سنع بعون الله .,,,ومايجيك شمم يفك الخيوط الغسول مامنه ضرر





Embarassed

__________

الوبياء زينه ومامنها ضرر

تطبخ كخضار مع المرقه والمرقوق ...

___________________


الادويه الى تسويها لك ماما الله يخليها مافيه مشكله تنحفظ بالثلاجه ..

انا مثلا اجهز ادويه نفاس وازود الكميه عشان اخت النفاس

والدورات الى بعدها

وبالدورات اجهز حق ثلاث شهور واحفظ بالثلاجه ..

______________________

الماء والملح واضيفى معم مره

زين ماقدامك الا العافيه

خايفه من الجلوس

توضى وضوء من تحت بمويه وملح ومره

________________

الشماغ افضل من المشد الاندونسى نعم

وحركه الزنوبه شفت حريم عملوا بها بعضهم ظبطت معها وبعضهم لا

مو مهم عندى الزنوبه بقدر الشماغ نفسه

وادهنى بطنك قبل الربط

زيت زيتون

او

دهن جوزه الطيب








الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الخميس سبتمبر 30, 2010 12:56 pm


الشيء التاني المنقوعة دي ماشاء الله عليكم كيف تشربوها طعمها وععع ولازم منها ولا أقدر أستغني عنها



المنقوعه طعمها موشين ,,,

وتكون متقبله لك بالنفاس لانها تكون بمويه باره

والنفاس عاده يجيها عطش كبير

وتشرب دائما المنقوعه بدون رفض

بس جددى القاروره كل مره واحفظيها بالثلاجه

يمكن انتى كانت مقادير المنقوعه عندك ملخبطه زودتى شي
ونقصتى شي

عشان كذا صار الطعم غير مقبول

لا تستغنين عن اى ركن من اركان النفاس

قللى الشرب منها

بس استغناء لا ...

حاولى تشربين شوى شوى ..
_________________



وإيش يعني دوا قهوة

دواء القهوه

مجموعه ادويه تطن وتحط بعلبه

وتشرب مع القهوه المره

والتمره برشاد

تحطين بالفنجان حقك شوى وتصبين عليها قهوه
ويكون الفنجال مليان مثل صبت رمضان

وتشربين

وتاكلين تمره برشاد

ودواء القهوه من اول يوم نفاس الى اخريوم يستخدم

__________________







ممكن تكتبيلي نظام سهل ومبسط ومافيه تعقيد للنفاس




النفاس مافيه اى تعقيد مجرد رغبه وعزيمه ان تكونين صح بنفاسك تكفى ...........


بخطوات بسيطه اقدر اقولك ...

غسول الصبح بدرى

دواء قهوه مع تمره برشاد وحبه سوداء وسمن برى

سفوف العشرين الاولى

سفوف العشرين الاخيره

عصيده اول الايام

كبو ليله وراء ليله

تحاميل بالبيت يوم وراء يوم

شاى اعشاب دائم وبكل وقت بالنفاس

منقوعه ..

دواء التنشيف من المويات

اكل سنع وصح وبر ومرقوق

ابتعاد بعد تام عن الممنوع با الاكل

الترويش يكون صح

رراحه نفسيه مطلوبه

وتطلعين احلى ...












الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الجمعة أكتوبر 01, 2010 9:23 pm



ماهو الكبو


نوعين

كبو شمم

كبو هواء اللى هو كبو النفاس

والمكونات
فلفل هواء

عود هواء

قشر بصل

كمون

قرن بقره

مره

خواجوا

وممكن تضيفين رشاد معهم بدون طحن

والكبو اخر اليوم بالليل يوم وراء يوم اخر النفاس

الا بحاله شمم يستخدم قبل


الممرخه اعرف انها تمرخ بس

مدرى عن الادويه

بالعموم اذا كانت ثقه ومعروفه وممدحوه لك

احد جربها ومدحها

ماقدر احكم على ادويه مطحونه من وصف

نعم ممكن تستخدمين مع الادويه الكبو

الصوت ارجع واقول رغم كل الهجوم ضدى

مالك الا تعطين نفسك مده علاجيه شهرين او اكثر

وتسوين الكرشه

اللى للاسف حذف موضوعى بها





ممكن سؤال بي ماذا اتبخر في انفاس؟


الكبو هو بخور النفاس

وهو نوعين
كبو شمم

كبو هواء


كم سؤال 1-انا الصباح على الريق اشرب كاس حليب با الحلبه مع ملعقه عسل ؟ واستخدم الماش مع المرق الابيض بدل لهمه هل يغني عن اللهوم الحلبه والماش ؟ ومع المرقوق احط حلبه حب وفلفل اسود تمام كذا ولا لا؟ وشاى الاعشاب وش مكوناته؟


طريقتك زينه ماعندك مشكله

شربتى حلبه بالحليب مع العسل

وحطيتى ماش مع الاكل

ممكن تلهمين ملعقه واحده باليوم بدل من مرتين مع نظامك هذا ..

مع المرقوق تحطين فلفل اسود وحلبه تمام كذا بس اضيفى

حبه سوداء وماش

____________


شاى العشاب

له مكونات كثيره


كمون

حزاه

حبه حلوه

قيصوم

وغيرها





اش فايدة العسل للنفاس ؟؟ وهل هو منظف للرحم؟



العسل افضل من السكر بشكل عام للصحه عامه

ويستخدم بالنفاس لانه مطهر ومعقم للجروح ومقوى عام بس يشرط

يكون اصلى اصلى صح ...

تحطينه مع شاى الاعشاب بدل السكر

مع الحلبه تطبخ وتحلى بعسل وتشرب

العسل مايكون منظف للرحم بحد ذاته دون اضافات اخرى

من اكل

وادويه ..




ما الفرق بين الفلفل الابيض والاسود ؟ لاني اسمع يمدحووون الفلفل الابيض ؟


الفلفل الابيض هو الاسود بس مقشور

ويختلف الاثنين باالرائحه والطعم

بالنسبه لى

علاقتى طيبه جدا مع الفلفل الاسود

ولا اعرف غيره

ولا افكر اجرب بدله بالنفاس

اشتريه حب

وانا احطنه بنفسى ...

__________________



هل تنصحين بوضع (قربه ماء حار)على البطن طول ال20 يوم الاولى عشان يتحرك الدم ؟



الدم مايتحرك بالطريقه

دون اكل صح وشرب سواخن وادويه زينه

وجركه طبعا تمشى الوحده وتفك رجولها شوى ..


القربه ماعندى مشكله منها

زينه ايام البرد للى تولد بالشتاء

ممكن تستخدم

بس لوحدها غير كافيه للتنزيل الدم ..

يعنى لو حطيتى قربه على بطنك

ومافيه اكل

مافيه دم..






ممكن احط على الفوطه عشان يعجل التأم الجرح وسقوط الخيوط؟

مسحه حلتيت رطبه ...

تكون رطبه رطبه

لن الحلتيت نوعين

يابس ورطب

ومره ..

____________



حبيت اسألك عن الحليب للقيصريات متى بالضبط يعني بعد عشرة ايام من الولادة عادي اشربه ومافي ضرر
وبالنسبة للغسول انا احطه في علبة رش مثل علبة ملمع الزجاج وارش على المنطقة عادي ولا غلط




الحليب للقيصرى منوع اول يومين ثلاثه من النفاس

بعدها تشربينه ساخن عادى وحطى معه فلفل اسود .. او حلبه مطحونه

وحليه بعسل ..

________________________


الغسول مافضل الطريقه

احسك تطولين ترشين ومايوصل ولا يغطى المنطقه ...

افضل بسطل كبير مويه دافئيه وتتوضين ..




وفيه وحده تقول بدال الحلب حطي عدس مع الماش .......



العدس انا احطه مع العصيده بالنفاس

والحلب ما تستغنين عنه .... اول الايام .... مره ,, مرتين ,,, بيحلها ربك

اهم شي مصلحتك ...

وحتى لو اضفتى لخلطتك عدس مايغنى عن الحلب



بس امي تقول غلط كبير تستخدمين قشر الرمان والارطا في اول النفاس لانها تيبس الغرز وتطيح قبل مايجبر ويلتأم الجرح

وش رايك ؟؟؟؟؟؟؟


الغسول يستخدم اول النفاس

مامنه ضرر ان شاء الله ...

الجرح يلتئم اذا فيه اكل سنع بعون الله .,,,ومايجيك شمم يفك الخيوط الغسول مامنه ضرر



الوبياء زينه ومامنها ضرر

تطبخ كخضار مع المرقه والمرقوق ...





___________________


الادويه الى تسويها لك ماما الله يخليها مافيه مشكله تنحفظ بالثلاجه ..

انا مثلا اجهز ادويه نفاس وازود الكميه عشان اخت النفاس

والدورات الى بعدها

وبالدورات اجهز حق ثلاث شهور واحفظ بالثلاجه ..

______________________

الماء والملح واضيفى معم مره

زين ماقدامك الا العافيه

خايفه من الجلوس

توضى وضوء من تحت بمويه وملح ومره

________________

الشماغ افضل من المشد الاندونسى نعم

وحركه الزنوبه شفت حريم عملوا بها بعضهم ظبطت معها وبعضهم لا

مو مهم عندى الزنوبه بقدر الشماغ نفسه

وادهنى بطنك قبل الربط

زيت زيتون

او

دهن جوزه الطيب





إيه صح نسيت الغسول الأيام الأولى مر وملح فقط في الأيام الأخيرة إرطا بس شريتها مطحونه مع العلم إني بحث عن أعواد وما حصلت إلا مطحونه وقشر رمان ؟



المطحون مانصح فيه خاصه من عطار

نعم الايام الاولى مره وملح



بسالك سوال بالنسبه للتحاميل المره والمحلب والملح كم مقاديرها والعسل كم المقدار اللي نحطه علشان نعجنهم مع بعض؟




طريقه مكونات التاحاميل


ملعقه كبيره مره مطحونه

فنجان ملح

ملعقه كبيره محلب مطحون

تعجن بعسل

وبللى يدك بشوى مويه ونتي تعمليها زي التحاميل وبعد ماتجف ضعيها تحفظ بالثلاجه




كيف استخدم الكبو ؟؟؟؟؟؟؟؟؟؟




كيف استخدم الكبو ؟؟


اجمعى المقادير الكبو

وتطحن

توضع بعلبه

ويكتب على العلبه كبو

ونحطها بالحمام

يستخدم الكبو

اخر الايام

بالدوره اخر يومين او ثلاثه ايام الاخيره

بالنفاس اخر العشرين الاخيره

الا بحاله وجود شمم قبل



تغلفين صحن بلاستيك عندك قديم بقصدير

تحطين فحم على النار

الفحمه بالصحن

تحطين من الكبو على الفحم

تشلين ملابسك الداخليه

وتحطين الصحن بوسط الكرسى الافرنجى تحت بوسطه

طبعا تتبولين قبل لان المثانه لو فيها نقط بول

تنقط على الكبو ويخرب عليك


تجلسين كانك بتقضين حاجه

طبعا مروحه الشفط تكون مسكره

وتجلسين لحد مايخف مفعول الكبو ويخلص

تلبسين ملابسك

والبسى فوطه حتى بدون دم عشان الهواء

والبسى بنطلون

ويفضل الكبو اخر الليل وتروحين فراشك وتغطين رجولك

وغلط من تسوى كبو وتتروش عقبه























الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الجمعة أكتوبر 01, 2010 9:37 pm

ملخص لجميع المعلومات الي بصفحه والاسئله والاجوبه
-علب النفاس والدوره


علب مهمه وضروريه لكل وحده


علبه .... علبه .... مابين ... رشاد ... وحلبه


خوذى لك كم علبه ....
وحطى عليهم ورقه صغيره وسجلى عليها اسم الدواء


وابدى جهزى العلب بنفسك

علبه الكبو.....


علبه الكبو.....
هذه تكون وسط .. وتكتبين عليها بورقه صغيره كبو
ويفضل تكون بحمام .. دائم ...
والكبو ...
خواجوا
قرن بقره
فلفل هواء
كمون


قشر بصل
مره
وتطحن المقادير


لان الكبو الناعم يطول معك على الفحم وتستفدين اكثر


وتغلفين صحن بلاستيك قديم بقصدير


وتحطين فحم
وشوى من الكبو
بوسط كرسى الحمام
واجلسى كانك تقضين حاجه
والبسى فوطه حتى بدون دم ....
الكبو اخر الايام


من دوره ونفاس


واكتبى على العلبه


اخر الايام



---------------------


استخدام الكبو عن طريق الشرب

مقاديره كلها امنه
وتؤخذ عن طريق الفم
عندى رساله من ام ما تستخدم كبو
رغم حاجتها له للهواء معها
والشمم احيانا
لان عندها طفل فيه ربو وتخاف عليه
الكبو المشروب حل
تحطين بكاسه شاهى
او بفنجان قهوه
وتشربينه
على قهوه او شاى



مقاديره


مره كمون
فلفل هواء
حزاه
مقل
خواجوا
قرض
رشاد
تخلط وتطحن


يجى سؤال منكم يقول :
وش فرقه عن كبو الفحم




الفرق بالطريقه
كبو الفحم على الفحم
وكبو المشروب يشرب
وبكبو المشروب حذف قشور البصل
او قشور الترنج لان البعض يحط قشور ترنج بدل قشور البصل
انا نعم استخدم كبو المشروب بحالات
اكون مسافره وبغرفه بفندق
ماقدر اشعل فحم تشتغل صفرات الانذار
واكون بايام دوره استخدم كبو مشروب
اكون بالمستشفى مثلا منومه لظرف
وايام دوره استخدم الكبو المشروب



يجى بعد سؤال منكم

ايهم افضل الكبو الفحم او الكبو المشروب ؟


كبو الفحم افضل واعمق ونتائجه ازين
ولكن كبو المشروب حل
لان سالفه النظام الناقص عند البعض
ماتجى بصالح الوحده
تجمعين لك نظام وتحذفين الكبو شي غلط
خلى نظامك شامل
والبعض تستخدم كبو فحم بس الغلط يمينه ويساره
شلون !!!
تسوى كبو فحم
وعقبه مباشره تتروش !!!
عشان الريحه
وهنا ما استفدت شي
تسوى كبو فحم
وتحذف كثير من مقاديره
تقولك ماعرفت اجيب بعض المقادير
وهنا المفروض يكون الكبو كامله مقاديره
تسوى كبو فحم ولا تلبس سروايل طويله
اما حر ماتحملها
او مانى متعوده عليها
وهنا غلط
بعد الكبو تلبسين سروايل طويله
سروال خط البلده
بنطلون
اى شي
تسوى كبو فحم وتترك مروحه الشفط شغاله
او ماتضم رجولها وهى جالسه على الكرسى
او تسوى كبو فحم وتجلس بدون كرسى بالحمام وهنا غلط
انتى نفاس ركبى لك كرسى ماياخذ بالتركيب ساعه
وكل الطرق ماتكون الوحده بحاله استفاده كامله من الكبو
والكبو نوعين
كبو شمم للكبار والصغار للتسنين عند الصغار مثلا
وهذا بكل بيت موجود
كبو الهواء هو نفسه كبو النفاس
وتختلف مقادير هذا عن مقادير هذا



الكبو المشروب

حل من باب العوض ولا القطيعه
عشان النفاس يكون كامل بدون نقص
لما نستخدم الكبو المشروب
تبدا عند الاغلبيه
قرقعه بالبطن واصوات غازات طالعه
يعنى الاصوات تسمعينها
وتظل معك يوم وليله
خروج الهواء والغازات من بطنك
والشى مايخوف



يجى سؤال منكم يقول :
اقدر استخدم الاثنين كبو فحم وكبو هواء!



اكتفى بواحد
اذا كنتى قادره على كبو الفحم هو بالمقدمه
وهذا ينوب عن هذا ومافيه مجال للخلط بينهم
الكبو المشروب قد يكون حل للبعض لجعل النفاس
كامل دون نقص ....
...


____________

علبه .... الطبخ


تكون كبيره شوى


اجمعى فيها


حبه سوداء


ماش


رشاد


حب بدون طحن


وتحطين مع طبخك


المرقوق


المرقه


______________



ضعي علبه صغيرونه دواء قهوه


وهذا دواء قهوه شكل مبسط لكل مبتدئه


يكفيك تحطين كسره مره بفنجالك


او تجمعين بشكل مبسط


مره


عنزروت


مقل


وتطحن


وتحطين بفنجالك شوى ويكون فنجال كبير


وتشربين عليه قهوه عاديه بس بدون هيل


لان الهيل حار.. وانتى بدوره او نفاس تاكلين لهوم وتحر عليك بزياده


__________


ماهي السفوف
ضعي علبه سفوف


سفوف اولى ... ايام اولى



ابسطها

ماش + حلب


تطحن ..
ملعقتين صبح


وملعقتين بالليل


واى لهوم او سفوف ماتشربين بعده مويه


او عصير


اشربى شاهى اعشاب


او حليب دافئ


___________
علبه سفوف اخيره .. ايام اخيره


وابسطها ..




محلب


رشاد


حبه حلوه


تطحن


وملعقتين صبح


وملعقتين بالليل


_________


كيف تكون وماهي مكونات علبه شاهى اعشاب



وتكون كبيره


وتجمعين فيها


كمون


دارسين


فوه


قيصوم


بدون طحن


وتطبخين مويه بابريق


وتحطين شوى من الشاهى


ويطبخ


ويحلى عادى ...


الشاهى طول الايام


ايام اولى + ايام اخيره بكل وقت
__________



ماهي مكونات علبه الخمس الفنجايل

محلب


كمون


عويدى


رشا د حب


فلفل اسود


هذه خمسه


والكميه فنجال واحد نفس الفنجال نفس الحجم


من كل نوع


تطحن المقادير ماعدا الرشاد حب


وتجمع بعلبه


ويكون لهوم مرتين باليوم



صبح وليل


وتكون النتيجه بدوره ونفاس جيده


طبعا يفضل يكون الهوم على جوع


يعنى الصبح قبل تفطرين


وبالليل قبل تتعشين


ويكون اخر ايام دوره ونفاس


اذا دورتك خمس ايام استخدميه اخر ثلاث ايام


طبعا الخمس الفنجايل طعمها شين ومر وحار


بس اللى تبى الفايده تتحمل ...


ملاحظه مهمه ...




اللى معها بواسير ... لان البواسير تجى مع الولاده غالبا


تحط


نصف فنجال عويدى


ونصف فنجال فلفل اسود


عشان البواسير ...



واللى معها مويات وماتجيها دوره ...ترضع مثلا


تعطى نفسها مده علاجيه اسبوعين


وتستخدم الهوم


وتعتبر نفسها بدوره او نفاس


وتحرص على نفسها من البارد والخربطه بالاكل ...


الخمس الفنجايل


طريقه من واقع تجربه شخصيه ناجحه


واتمنى من كل وحده تجيها الدوره مو حامل


تجربها ...


وتجى تقول لنا النتائج


مانبى شكر


نبى نتائج ...



الخمس الفنجايل


لو استخدمت وسط نظام كامل


من حرص على اكل بر


ومشروبات ساخنه


وابتعاد عن الممنوع


واهتمام



بتعطى نتائج ممتاز ...


وبتحسين المنطقه عندك صارت جافه وناشفه وبالتالى ضيقه..


وخفت المويات بشكل كبير



اذا استخدمتى الخمس الفنجايل صح...
الطريقه مافيها شي يخوف او يدمر على المدى البعيد.. والنتائج ممتازه ان شاء الله ..



تكون اخر ايام دورتك


واخر ايام نفاسك


والعلبه تكفيك شهور قدام بس تكون بثلاجه





وتوضع علبه صغيره فيها
فلفل اسود



فلفل اسود


مطحون


رشه مع اكلك


رشه مع الحليب الساخن


واكتبى عليها فلفل رشه
والفلفل طول الوقت
______________



______________


علبه صغيره رزنه

مطحون
مع كاسه الشاهى حطى شوى واشربى


هذه كل وقت طول النفاس والدوره
__________


كيف تكون مكونات __________


علبه غسول


وتكون وسط
اجمعى فيها
ارطا اعواد وقشر مان
واطبخى شوى منهم
بقدر ويركد
ويستعمل غسول
اخر الايام من دوره ونفاس
اول الايام ملح ومره افضل
_________


هذه عشره علب
10



10
انتى بحاجه لها ....
بكل دوره
وكل نفاس
بشكل مبسط
نظام علب بسيط
بس فيه فايده
اذا استخدمتتى العلب وسط جو صح
يعنى وسط محافظه


من الجوع


والهواء


والشمم


والترويش الغلط


والمشى حافيه


والاكل الممنوع



بتكون امورك بخير


بس لازم تلاحظون ان اذا الوحده عندها اهمال كبير قبل


ومعها مويات وصوت


وغيرها


ممكن تحتاج ادويه زياده


او اضافه للادويه ..


بس العلب شامله للجميع


واى وحده منكم عندها العلب


بكل دوره


وكل نفاس


بكون مرتاحه انها بخير
وماعليها ...
المغتربات بالخارج


ياليت تهتم كل وحده تاخذ معها علب بالسفر
----------------------------------------------------------
ما هو علاج الخراب والاصوات
الكرشه حقت الذبيحه



هي كرشه خروف الكرشه حقت الذبيحه
تكون طازجه وجديده,,, وتوصين الى بيروح يجيبها مايلمس الجزار الكرشه


تجيك مثل ماهى ..


تغسل بمويه حاره وتنظف ...


بدون فتح .. او تفتحين فتحه صغيره


وتغسلينها من خلالها ..


من الذبيحه نفسها قطعى قطع لحم صغيره جدا


وقطع كبد وقطع كلاوى .. صغار


واحشى الكرشه بالقطع .. ومكن تحطين بصل وثوم وملح ,فلفل اسود


وتحطين معها بنفس الحشوه داخل الكرشه


كل الادويه الى عندك


حلب


حبه سوداء


رشاد


ماش




وتخيطين الكرشه بابره وخيط


وتحطينها بقدر كبير فيه مويه وتخلينها تطبخ لحد ماتستوى ..


وتحطينها بصحن ..


وتفرشين فراش بلارض . وطفى المكيف
والشباك قفليه


وتكونين من غير ملابس افضل


او ثوب قصير عشان البخار حق الكرشه يدخل


وتشلين ملابسك الداخليه .. الكلوت


وتجبين بطانيه كبيره وثقيله .. وتتغطين كلك .. تخلين البطانيه
كانها خيمه مغطيتك كلك .. وانتىتحتها


والصحن الحار وفيه الكرشه معك تحت البطانيه


وتفتحين الكرشه بسكين وتاكلين من المحتويات ,,


حاولى ماتاكلين شي قبل االعمليه عشان تاكلين زين من الكرشه


كولى وبالملعقه خوذى من محتويات الادويه المطبوخه بالكرشه وكولى


ومن قطع اللحم ,,,


وخلى احد حولك يدخل عليك كاسه شاهى اعشاب


من تحت بطانيتك
لا تفتحين البطانيه ابدا..


ولا تطلبين مويه او عصير وانتى تحت تقولين مت حر ابى شي يبرد على كبدى

كاسه شاى اعشاب ( دارسين + كمون )

وطلعى الصحن برى بعد ماتخلصين من تحت البطانيه لا تفتحينها


ونامى على فراشك مكانك


طبعا بتكون حالتك كلك تصبين عرق من فوق لتحت والشى المطلوب


حاولى تجلسين ساعه ..والطيبه تجلس اكثر
وبعدين قومى لفى جسمك بروب حمام


اذا كان عليك ثوب بيكون مبلول
وغير ملابسك


والبسى ملابس داخليه
ولفى راسك بشيله


وخليك بمكان دافى او غطى رجولك
واشربى اشياء دافئيه


ممكن تكرر العمليه اكثر من مره بالنفاس


ايام الدوره تكفى مره واحده


واذا طبقت الطريقه صح تكفى مره واحده بالنفاس باذن الله


وممكن تكرر على حسب شده الصوت معك


بعضهم واضح وبعضهم تسريب هواء وفقاعات


وتسريب الهواء بدايه للصوت اكبر اذا اهمل


طبعا الكرشه ميه الميه %


لو طبقت بشكل جيد

ماهو الاكل الممنوع


بس مو المعنى تاكلين ممنوع

وتشربين بيبسى ايام نفاس ودوره وتاكلين بطيخ
وباميه




وتقولين اسوى الكرشه وخلاص


لا الكرشه تجيب مفعول مع نظام كامل


واهتمام


وكبو


وكل خطوات النفاس


الكرشه تسوينها ايام النفاس
باى وقت


وايام دوره


اللى مافيها نفاس


وتشكى خراب تسويها بالدوره


الحامل الى معها خراب وصوت


ماتسوى شي


تصبر لحد ماتولد وتسنع عمرها


اللى تقول : ماعندى كرشه وش اسوى ؟؟

صعبه على اجيب كرشه وذبيحه


الكرشه افضل شي للعلاج الخراب والصوت


بس الى ماعندها بعد ماتسكت على نفسها


تسوى الشى بشكل ابسط


ماهو الخبزه او الخبز

خبزه بالفرن


زى الجمريه


عجينه دقيق تعجن مع اضافه كل الادويه


مع العجينه وفلفل اسود ورشاد وحلب وماش


وتعجن وتحط بالفرن لحد ماتستوى


ونفس الطريقه بصحن


وتفتح وهى حاره وتحت البطانيه


نفس الطريقه بس بخبزه


وان شاء الله االصوت بيخف ومع الوقت والتكرار بيروح
------------------------------------------------------.




عدل سابقا من قبل ام محمد في الجمعة أكتوبر 01, 2010 10:00 pm عدل 1 مرات
الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الجمعة أكتوبر 01, 2010 9:50 pm

عندي سوالين

الاول اتسبح بماي بارد او حار

شو هو السفوف ما اعرفه ياريت اذا في وحدة من الامارات تخبرني او من سوريا



الماء البارد يوقف الدم

وبالصيف خلى المويه دافيه شوى اقرب للحار

حتى لو حر بس الضروره هذا بالدوره والنفاس


السفوف
مجموعه ادويه مخلوطه مع بعض


تاخذها الوحده ايام دوره ونفاس للفائده


انا نفاس لي 10 أيام يصير أتنقع في ملح خشن ومره
وأتشفطف بغسول المره والأرطا
علما اني مافيني توسيع وجراحه



تنقيع لا

غسول نعم

والطريقه

اول الايام

مره وملح

غسول الايام

اخر الايام الدباغ القشر رمان مع ارطا


الأرطا وقشر رمان العشرين يوم الأخيره
طيب كم المقدار وكيف الطريقه
والتنقع يعني حتى اخر الايام مايحتاج كفايه الغسول



التنقيع اخاف منه اخاف من دخول الهواء

الغسول يكفى

الارطا وقشر رمان

تكسر اعواد الارطا وقشور رمان

وتطبخ طبخ بقدر

وتترك تصفى

ويستخدم غسول


بالعشرين الاخيره نعم



انا استخدمت الكرش مرة في دورتي ولا لاحظت اي فايدة منة
انا ما اقدر اجيب كرش في كل دورة
هل استخدم الخبزة الي بالفرن يوميا في ايام الدورة او يكفي يوم واحد من ايام الدورة هل التكرار في نفس الدورة انفع من يوم واحد ولا النتيجة وحدة يوميا او يوم واحد
وكم دورة استخدمة 3 يكفي او كل دوراتي




الطريقه تبى دقه

وقليل تظبط معها

الخبزه تستخدم مرتين بالدوره يكفى

ولو ظبط معك مره وحده تكفى

كل دورتك لا

هذه مشكله اذا خلصت خلاص

بس تهتمين بدورتك الجايه عشان ماترجع



طيب بالنسبه للجفاف تنصحيني اخذ زنجبيل واكثر شرب مويه في النفاس حتى افكر اخذ اشياء لزجه في الاربعين زي المنجا والخيار والباميه والملوخيه لان لي سنتين اعاني من جفاف شديد مضايقني والدكتوره كتبت لي من سنتين تحاميل بوثيل بعدالاربعين من بعدها جاني الجفاف


لا لا

وش ملوخيه

وباميه

لا

الفاف يعالج عند دكتوره


لكن الخراب صعب علاجه

والباميه ماراح تخلصك من الجفاف بتسبب لك مويات فضيعه انتى بغنى عنها


التحاميل لا تستخدمينها






الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الجمعة أكتوبر 01, 2010 10:25 pm

مقادير المنقوعة
ملعقه كبيره محلب كبيرة شوي على لتر ماء ...؟!والمر والعنزروت أطحنهم ولا بدون طحن ؟
عندي سؤال .. هل ممكن يكون هناك فلفل أسود حار وفلفل مو بارد لكنه أقل حرارة ؟ وإيش الأحسن ؟



قاروره الصحه الكبيره الطويله

لا مو كثير ملعقه

للمنقوعه عادى بدون طحن



لفلفل الاسود واحد

فيه ابيض له نكهة وريحه تختلف

لكن الحار نفسه


اسالك الله يعافيك عن الارطاء لان بنت اختي شرته أعواد
وتبغي تطحنه سؤالي هل تغسله قبل الطحن ولا لا؟
وشرايك في عشبةالقرض في العشرين الاخيره مع الارطاء؟
وهل عندك طريقه معينه لاستخدام القرض ولا اخلطه مع الارطاء واطبخهم مع بعض؟
الله يعافيك ردي لان بنت اختي فالشهر التاسع وانا فالثامن



الارطا تطبخ وتكسر وتصفى وتستخدم غسول

بدون غسل لانها تطبخ على النار

القرض جيد جدا للاستخدام

مافيه طريقه اللى يناسب معك سويه

ماهو سداد بالرحم وشنو تنصحينها فيه ..؟


ماعندى نصيحه للسدد

الا التاكد انه سدد فعلا

والتمريخ تحت يد شطاره

واهتمام بالدوره

شلون نعرف انه سدد
الدوره زى التراب ماتنزل

تشرب مغلى الحلبه
كوب حبه سوداء + ملعقه كبيره مره تطحن

وملعقه كبيره مع عسل على الريق
والسدد اما بسبب تسقيط سابق لم ينظف بشكل سليم

او تحجر الدوره بسبب برد
والدم يكون ثقيل مره بعد مره

وينتج السدد

بسالك عن طريقة مشروب الحبة الحلوةهل اطحنها ولا اخليها حب؟ابيها مشروب للغازات هل اخليها لحالها او اضيف لها حاجه ثانيه؟


تقصدين الشمر

انا عاده افضل الاعشاب الخاصه بشاهى تكون بدون طحن


لهوم(كوب حلبه+نص كوب بر كه+فنجان حلوه+م ك قرنفل)
طبعا الحلبه بس اول 20 يوم التمره بالسمنه والنقوعه مره وعنزروت ومباركه.
الغسول ماء دافئ وملح خشن.



اخر20 يوم...
لهوم(كوب بركه+م ك قرنفل+م ك دراسين+ م فلفل اسود+م ك نونخه+ فنجان حلوه)



المردود وهو خلاصة تجربة جدتي الله يرحمها مو جاهز زي الي عند العطار لا حنا نجمعه ونطحنه وهو(كوب حلوه+ربع كوب نونخه+فنجان بركه+فنجان لويه+فنجان شنه+2م كركم+كوب ماش+كوب عدس+كوب ينسون+نص كوب كمون+فنجان فلفل اسود+عطر الجوزاء 3حبات+دائرة القمر2 وهي غير عن الصك ولك....)لني لما اروح عطارين بعضهم مايعرفون يطلعون لي الصك والك وهذا دمار شامل.
الرشاد والمحلب اخر الايام والغسول الارطاء...



((التحاميل والكبو))

((التحاميل والكبو))


هنا انا اول مره راح استخدم الكبو وهو فلفل هوا+قشر بصل+خواجوا+كمون+مره)يطحن واخر الايام وزي ماقلتي بفكرة كرسي الحمام.
والتحاميل اخذ السوداء الي بعضهم يسمونها تحاميل الفحم اخاف من الثانيه بسسب قصه صارت لي مع زوجي احراج فا حرمت
طبعا الرزنه وشاي الاعشاب


سؤالي بالنسبه لقشر القهوه هل احمصه واطحنه قبل الاستعمال والا لا


يحمص

واذا بيطحن يكون نصف طحنه مجروش



مقادير الكبو المشروب


مقاديره

مره

كمون

فلفل هواء

حزاه

مقل

خواجوا

قرض
رشاد

تخلط وتطحن

يجى سؤال منكم يقول :

وش فرقه عن كبو الفحم

الفرق بالطريقه

كبو الفحم على الفحم

وكبو المشروب يشرب

وبكبو المشروب حذف قشور البصل
او قشور الترنج لان البعض يحط قشور ترنج بدل قشور البصل

انا نعم استخدم كبو المشروب بحالات

اكون مسافره وبغرفه بفندق

ماقدر اشعل فحم تشتغل صفرات الانذار

واكون بايام دوره استخدم كبو مشروب

اكون بالمستشفى مثلا منومه لظرف

وايام دوره استخدم الكبو المشروب

يجى بعد سؤال منكم

ايهم افضل الكبو الفحم او الكبو المشروب ؟

كبو الفحم افضل واعمق ونتائجه ازين
ولكن كبو المشروب حل

لان سالفه النظام الناقص عند البعض

ماتجى بصالح الوحده

تجمعين لك نظام وتحذفين الكبو شي غلط

خلى نظامك شامل

والبعض تستخدم كبو فحم بس الغلط يمينه ويساره

شلون !!!

تسوى كبو فحم

وعقبه مباشره تتروش !!!

عشان الريحه

وهنا ما استفدت شي


تسوى كبو فحم

وتحذف كثير من مقاديره

تقولك ماعرفت اجيب بعض المقادير

وهنا المفروض يكون الكبو كامله مقاديره

تسوى كبو فحم ولا تلبس سروايل طويله

اما حر ماتحملها

او مانى متعوده عليها

وهنا غلط

بعد الكبو تلبسين سروايل طويله

سروال خط البلده

بنطلون

اى شي

تسوى كبو فحم وتترك مروحه الشفط شغاله

او ماتضم رجولها وهى جالسه على الكرسى

او تسوى كبو فحم وتجلس بدون كرسى بالحمام وهنا غلط

انتى نفاس ركبى لك كرسى ماياخذ بالتركيب ساعه



وكل الطرق ماتكون الوحده بحاله استفاده كامله من الكبو

والكبو نوعين

كبو شمم للكبار والصغار للتسنين عند الصغار مثلا

وهذا بكل بيت موجود

كبو الهواء هو نفسه كبو النفاس

وتختلف مقادير هذا عن مقادير هذا

الكبو المشروب

طريقه معمول بها عند البعض

الكبو المشروب

حل من باب العوض ولا القطيعه

عشان النفاس يكون كامل بدون نقص

لما نستخدم الكبو المشروب

تبدا عند الاغلبيه

قرقعه بالبطن واصوات غازات طالعه

يعنى الاصوات تسمعينها

وتظل معك يوم وليله

خروج الهواء والغازات من بطنك

والشى مايخوف

يجى سؤال منكم يقول :

اقدر استخدم الاثنين كبو فحم وكبو هواء !

اكتفى بواحد

اذا كنتى قادره على كبو الفحم هو بالمقدمه

وهذا ينوب عن هذا ومافيه مجال للخلط بينهم

الكبو المشروب قد يكون حل للبعض لجعل النفاس

كامل دون نقص ....


موفقين خي



الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الجمعة أكتوبر 01, 2010 11:31 pm





ودي اعرف الرشاد يقولون كثرته تضر ؟

والحلب يجيب المويات في المهبل ؟!


الحلب

نعم مو كثرته لا وقت استخدامه

اذا استخدم بعد العشرين الاولى

الحلب يستخدم اول الايام

او اسبوعين

واللى معها نزول تستخدمه بس خمس ايام

حنا البدو نسمى الحلب ابو شرين

يعنى تركه خطاء وتمادى فيه خطاء


الرشاد مايستخدم على طول

يستخدم بالهوم

عشرين اخيره

او اخر يومين دوره

مو على طول

اسمع كثير من الاخوات اتسوي خلطات بالنفاس للجسم شو رايك


خلطات الجسم تبدا بالعشرين الاخيره مامنها ضرران شاء الله

تدهن جسمها بخلطه للنعومه والبياض

مافيه ضرر بالعشرين الاخيره

بالنسبة للغسول شو مكوناته اتشطف فيه او اجلس فيه؟

الغسول


اول الايام
مره وملح ومباركه

مجرد غسول خارجى وضوء يكون بمويه دافئيه

تحطينه بمويه ساعه

ثم غسلى فيه


اخر الايام الغسول الدباغ

ارطا وقشر رمان يطبخ ويصفى

وغسول خارجى افضل من الجلوس فيه


فلفل الهواء معروف عند اى عطار يستخدم للكبو


الممنوع في النفاس من الطعام

الممنوع

اى خضار او فاكهة فيه ماء

البرتقال

الملوخيه

الباميه

البطيخ

الخيار

الشمام

المسموح


تفاح

العصير

ممكن عصير تفاح بشرط

بعد شبعه

مو على جوع


عندي سؤال

قريت عن خلطة الفلفل الابيض مع الزنجبيل والماش بالحليب ؟؟

ايش رايك فيها ؟؟

وايش احسن للمراة الفلفل الابيض او الاسود ؟؟

سمعت عن الخلطه ومدح البنات لها

بس انا افضل بدون زنجبيل


الفلفل الابيض هو قشره الفلفل الاسود

ويختلف عنه بالطعم والريحه

بالنسبه لى انا استخدم الاسود







النظام

سفوف اخر الايام اللي هو محلب : رشاد : حبه حلوه ( تؤخذ ملعقتين صباح وملعقتين ليل )

والخمس الفناجيل بعد يؤخذ كسفوف اخر الايام .. طيب في اي وقت اخذه ؟؟ وكم المقدار ؟؟



الخمس الفنجايل تكفى يومين الى ثلاثه ايام اخيره

ملعقتين صغار صبح وليل

وباقى الايام سفوف


ياليت تقولين لي ايش هو الدباغ
وايش الفرق بينه وبين الأرطا ؟


الدباغ هو اسم كبير جامع شامل

يندرج تحته

اعواد الارطا

قشر الرمان

المباركه

المره

الملح

هذا هو الدباغ بتفاصيله الاصغر

وهو مهم ومن اركان النفاس



ياغاليه هذا النظام باذن الله راح امشي عليه

عموما هذا نظامي
بسم الله
اللهوم:حلبه-رشاد-شومر-سويد-كركم-زنجبيل-خولنجان-ماش-فلفل ابيض-ملعقة شاي عنزروت
من اول يوم الى عاشر يوم
السفوف:رشاد-محلب-شومر-بذور لفت-ينسون-كمون-فوه-نخوه-زنجبيل-ماش-شوي عنزروت-
من اليوم 11الى35 والخمس الخيره الخمس فناجيل
الطبخ:حلبه خارجيه لمدة20يوم الاولى
رشاد-كمون-كرويا-نانخه-فلفل اسود-ينسون-كركم-سويدا
طول الربعين
شاي الاعشاب:كمون-قيصوم-حزاه-فوه-شومر-
القهوه:قشر-كمون-نانخه-زعتر بري
التمره:رشاد-سويدا-بذركتان-سمسم-رزنه-كمون-فلفل اسود
الكبو:قشربصل-مره-كمون-حلتيت-خواوجوا-حزاه-محلب-رشاد


وبستخدم عباءة السيده العشرين الاخيره غير الغسول المعتاد بس ماذكرته هنا
تكفين طالبتك عطيني رايك فيه



نجاوب

الهوم الاول مافيه شي غلط بس بدون العنزروت ماتضاف للهوم ياماما

خليها مع دواء القهوه

***************

السفوف الثانى

مع انى مادرى ليه كتبتى مره لهوم ومره سفوف !! مو فاهمه قصدك

بس السفوف الثانى غلط اضافه الزنجبيل له

ملاجظه
لان الزنجبيل يسبب مويات


وحنا تركنا الحلبه

واستخدمنا زنجبيل والشى غلط كانننا ماسوينا شي
بعد ارجع واقول العنزروت ياماما ما تضاف للهوم او سفوف

العنزروت لها استخدمين بمجال النفاس

1 مع دواء القهوه

2 منقوعه

*******************

شاهى الاعشاب اضيفى له دارسين

*****************

التمره صح طبعا باضافه سمن برى

*****************

الكبو عندك جيد مع انه ناقص بس جيد

************

عباءه السيده والله ماجربتها مو قصور بحقها بس لانى مااحتاج لها





ملاحظه مهمه



الفلفل نكتفى بواحد

اما فلفل ابيض

او فلفل اسود



لان الفلفل الابيض ماهو الا فلفل اسود مقشور

ويختلف بريحه والطعم

اكتفى بواحد منهم

اما فلفل ابيض

او اسود


اوكيه الخلطه تمام

بس هاه

وحطى تحت هاه 1000 خط

ما تستخدم طول الاربعين ياماما



لان فيها حلبه

وغلط نستخدم الحلبه طول الاربعين

اذا بستخدمين الخلطه

مافيه مانع بس مو كل الاربعين

لا اول الايام بس

هل شرب الماء فيه ضرر فترة النفاس؟
وش اضرار الجوع؟


الماء مايكون بارد اقرب للدافئى

الجوع اكبر عدو من اعداء النفاس الثلاثه

الجوع
الهواء

الشمم

ويسبب مايعرف بخواء النفاس

وهو خراب كبير

بالنسبة للغسول يكون صحيح ولا مطحون
و شلون استخدم الحلتيتة و المرة للخياطة
الخمس فناجيل الرشاد طحنته ينفع استخدمة ولا لا و يكون استخدمها 4 ملاعق في اليوم ولا ملعقتين
خلطة التمر تكون كلها مطحونه ماعد الرشاد



الغسول يكون بدون طحن عادى

يطبخ ويصفى

المره تستخدم مع دواء القهوه
ومع الكبو

والحلتيت يشم وكبو

الفنجايل تطحن ماعدا الرشاد

وتستخدم اخر اربع ايام نفاس

او يومين دوره

ملعقتين صغار صبح وليل كافى

نعم خلطه التمره مطحونه ماعدا الرشاد

بس تختلف النسب

يعنى فلفل اسود مطحون شوى بس
كمون شوى

كثرى حبه سوداء ورشاد



وش رايك بالنظام هذا

الصبح الساعه سته حلبه مع حليب عشر الايام الاولى والباقي ماش


الساعه عشره صباحا لهوم للايام العشرين الاولى

حلبه -كمون-فلفل اسود- حبه حلوه- سكر بنات


لهوم العشرين الاخيره


كمون-فلفل اسود -رشاد- محلب-حبه سوداء-نانخه- حبه حلوه


التمره مع الرشاد والسمن طول النفاس


شاهي الاعشاب مكون من
كمون-دارسين- قشر قهوه- فلفل اسود- ميراميه-- بابونج -قرنفل-
محلى بعسل طبيعي بدل السكر

ممكن استخد الرزنه مع شاهي الاعشاب
المنقوعه

مره وعنزروت


الغسول
ارطا-ملح -قشر رمان

الكبو

قشر بصل- كمون- خوا جو-مره-فلفل هواء



وان شاء الله الخمس الايام الاخيره طريقه الخمس فناجيل

ولازم في النفاس نستخدم التحاميل

سؤال اخير اللهوم الافضل مطحون ناعم اومجروشه



وليه الماش مايستخدم من اول يوم

استخدمىلا الماش من اول يوم

++++++++++++

نظامك زين مافيه شي غلط

اللهوم افضل مطحون عشان ينبلع بسرعه

التحاميل زينه مو مهم بس زينه



بسالك وقت الكبو يعني وانا جالسة
اصير لابسة كلوت وفوطة ؟؟



لا بدون كلوت

بدون فوطه

كذا

ايهم احسن الجلوس بماء وملح ومرة وارطا اووو اتوضا فيه من تحت

وهل استخدام الارطا يسمر الجلد اللي تحت؟



الوضوء افضل من التنقيع

بالنسبه لى مايسمر

بعض البنات تقول عند خلطه مع قشر رمان يسمر


ملاحظه


بالاغلب نعم الحلبه تسمن

وفيه حريم ماتجيهم سمنه مع الحلبه

طبيعه جسمها مثلا غير قابله للسمنه


مامعنى يسف ؟؟

يسف

يلهم يعني ياكله ويشرب مع ماي

يسف


يبلع بلع

دواء مطحون بملعقه يبلع مباشره

ويشرب بعده شي دافى


التمره احنا نحط معها رشاااد ونزيد كميتها اخر عشرين يوم وانتي تقولين موب زين الرشاد اول الايام وش رايك؟

اول الايام الرشاد مع التمره

اخر الايام لهوم



بغيت اسألك عن الشوربات وقت النفاس زي شربة الشوفان والحب والعدس اش يصلح منها واش ما يصلح

وممكن اسوي كميه وافرزنها والا ما تصلح؟؟



كل اللى ذكرتيهم تصلح

وحلوه بالنفاس

بس بدون طماط او معجون طماط

والفريزر على حسب ظروفك اذا ماعندك احد يساعدك ووقتك ضيق حطيها بالطريقه


كيف اسوي مرقه اللحم والمرقوق كيف يكون بدون خضار ولاطماط ولامعجون طماط ؟؟


الطماط مايصلح بنفاس ولاحتى المعجون

افضل شي مرقه بيضاء

بدون طماط

تسوين مرقه

بصل

ثوم

لوبياء

حمراء

وبيضاء

ماش

حبه سوداء

حلبه اذا كانت اول الايام

فلفل اسود حب

ولحم

تطبخ على مويه بيضاء

افضل شي للنفاس الطريقه

موفقه خير ياماما



ملاحظه



الرشاد مع التمره اول النفاس

مع اللهوم اخر النفاس


وكلن ونظامه

الزنجبيل يفضل اول النفاس

+++++++++


نعم الولاده قيصرى تتبع نظام مثلها مثل الطبيعي

مافيه فرق ياماما

الا بنقطتين

الاولى : ماتربط بطنها القيصرى مثل الطبيعى او ماينجح معها الربط مثل الطبيعى

الثانى : القيصرى ماتشرب حليب اول الايام اول ثلاث ايام وبعدها عادى

اما من ناحيه

الادويه
والكبو

والهومات

لا عادى مثلها مثل القيصرى



ماهي شاهى اعشاب فيافى كلها جيده لكن كثيره
وابسط نوع شاهى

كمون دارسين
وقيصوم وحزاه وفوه



و الحلب والماش تحط مع الاكل بدون طحن




ممكن تقوليلي الفرق بين القرض والارطا وايهم افضل ؟


القرض

ويسمى السنط عند البعض,,, وهو مر وجاف

وايضا يسمى ام غيلان

وهو قابض ومطهر

اصل القرض

من السودان ومصر



الارطا



وله مسميات

العبل

ورسمه

وتيب



نبات يعد خشبى لان اوراقه قليله اغلبه اعواد

وموطنه الاصلى المملكه العربيه السعوديه



________


وقلتي ان الزنجبيل ينزل مويات طيب لو نبغى فايدتة كيف طريقة استخدامة وشريك بغسول يتكون من ملح خشن وقرض وقشر رمان وجزاك الله ووالدينك الجنة على الفايدة الي ناخذها منك؟؟؟


________

الزنجبيل ممتاز جدا

ولكن توقيت استعماله مهم

يعنى يستخدم اول ايام دوره ونفاس

مايستخدم اخر ايام دوره ونفاس

___وكل الاثنين

قرض وارطا ممتازين كغسول بالنفاس___________

ماهو الغسول


بغسول يتكون من ملح خشن وقرض وقشر رمان

بس حبيت اسالك لهوم العشرين الاخيره محلب ورشاد وحبه حلوه ..كم مقدار كل نوع وهل تطحن ؟؟؟؟

المقدار

بالكاس كاس من كل نوع

او من العطار بالقيمه

تطحن نعم ماعدا الرشاد

يضاف لها بعد الطحن

الرشاد مايطحن


ابغا اسالك اللهوم او السفوف ما قدرت اسفه لوحده فحطيته مع كاس حليب كذا صح ولا لا ؟؟؟؟


السف افضل

بسرعه وبعده كوب حليب دافى
او شاهى اعشاب

افضل

لكن اذا ماتقدرين مكن بطريقتك

بس السف افضل



هذا لهوم العشرين الأخيرة
محلب ..رشاد..حبة حلوة..فلفل أسود..كمون
ابي المقادير كم أحط؟؟؟؟


من كل نوع ميه غرام

الرشاد بدون طحن

بالتقريب

كاسه الشاهى العاديه مليانه مرتين من كل نوع


انا استخدمة الرشاد لحالة بدون تمر يعني زي الهوم مع كأس حليب وانا الحين في اواخر الاربعين ينفع كذا
والا مع التمر افضل؟؟؟؟




الرشاد من اول النفاس مع تمره مع مقادير التمره

اخر النفاس لهوم مع مقادير اللهوم

ويكون حب بدون طحن

ممكن توضحي لي وشو (الماش)


صورة الماش






ويستخدم اول ايام الدوره يسف مع الحلبه وتكون مطحوونه.
ويطبخ مع اكلاتك حب بدون طحن وقت الدوره او النفااس
ويوضع مع الحليب ايضاا



كبو الشم


ومن المكونات

قشربصل

كمون

مره
حلتيت

فلفل هواء

وغيرها





انا تكبيت في العشرين يوم الاخيرة وكان معي دم ومن بعدها وقف الدم شكله جف
المهم الحين تميت الاربعين وجتني اخت النفاس شسوي ؟؟؟ امشي عادي على نظامي ؟؟؟
علما انه معاي هوا شدييييييد في رحمي
احس يطلع اكثر من اول




الكبو نعم بالعشرين الاخيره صح

الكبو مايخلى الدم يجف

اخت النفاس

تقسم الايام قسمين

ايام اولى

ايام اخيره

الايام الاولى تمشين بنظام العشرين الاولى

الايام الاخيره تمشين بنظام العشرين الاخيره


الهوا

وارد حدوثه بالنفاس

لكن يمكن التغلب عليه

واسبابه كثيره

احيانا بسيطه

مروحه شفط بالحمام
جماع ورجولك قدام مكيف

ترويش بشكل مباشر اثناء الدوره

اهمال الكبو

مافيه سروايل طويله بعد الكبو

الاستحمام بعد الكبو



بنظامي للنفاس؟




1-لهوم العشرين الأولى (ماش\حلبه\حبه حلوه \ كمون)
وجميعها مطحونه


2-لهوم العشرين الثانيه (محلب\ رشاد حب\ حبه حلوه\ قرنفل)
جميعها مطحونه ماعدا الرشاد... والمحلب والرشاد تضاعف الكميه وتستخدم العشرين الثانيه ونوقفها أخر أسبوع ونبدأ بعدها بالخمس فناجيل



3-دواء القهوه (مره\ عنزروت\ مقل) جميعها مطحونه
تستخدم الأربعين كلها ويمكن أستبدال القهوه بالقشر وتحميصه تحميص خفيف


4-التمره(تمره \ كمون مطحون\ حبه سوداء مطحونه\ رشاد حب\ سمن بري)
وتستخدم الأربعين كلها وتسخن تسخين خفيف قبل الأكل



5-شاهي الأعشاب(كمون\دارسين\فوه\قيصوم\ حزاة\رزنه\حبه حلوه)
لاتطحن المكونات بل تطبخ طبخ قليل وتستخدم طوال الأربعين



6-الخلطه التي تضاف ألى الحليب (حلبه\ماش\ فلفل أسود) والحلبه نشيلها بالعشرين الثانيه



7-علبة الطبخ(حبه سوداء\ماش\فلفل أسود\حلبه) والحلبه نشيلها العشرين الثانيه
ومكوناتها حب وغير مطحونه

8-المنقوعه(ملعقه مره \ملعقه عنزروت\نصف ملعقه محلب)
جميعها مطحونه وتستخدم طوال الأربعين



9-علبة فلفل مطحون نظيف منها على أي شي أكله


10-الكبو(خوا جوا\قرن بقره\ فلفل هواء\ كمون\ قشر بصل\ مره\ حلتيت يابس)
تستخدم العشرين الأخيره وجميعها مطحونه


11-الخمس فناجيل أخر أسبوع


12-الغسول....
أول الأيام (مره\ملح\ صبره) مطحونه وتنقع وتستخدم العشرين الأولى
أخر الأيام(قشر رمان مطحون\ أعواد أرطا تكسر) وتطبخ وتستخدم العشرين الأخيره
الرجوع الى أعلى الصفحة اذهب الى الأسفل
http://harem.ahlamontada.com
ام محمد
مديرة المنتدى
مديرة  المنتدى


الجنس: انثى
عدد المساهمات: 2146
تاريخ التسجيل: 25/04/2009
العمل/الترفيه العمل/الترفيه: موظفــــهــ

مُساهمةموضوع: رد: ملف شامل سئلتكم والاجابه عن النفاس والادويه    الجمعة أكتوبر 01, 2010 11:40 pm

هل يستخدم الزنجبيل اول 20 يوم او اخر 20 يوم ؟
وشنو فائدته ؟ واذا كان ممنوع في اخر 20 يوم شنو ضرره ؟



الزنجبيل ياماما


مثله مثل الحلبه

اذا استخدم اخر الايام

غلط

يزيد المويات والرطوبه



وش تشربين على طول

اذا ولاده طبيعى ؟؟؟؟


اذا ولاده طبيعى

تشربين حليب بفلفل وماش مطحون وحلبه

واذا قيصرى طبعا اول يوم مممنوع الشرب

وتشربين قهوه بدواء قهوه وتمره برشاد

وبعد تشربين شاهى اعشاب

مشروبات دافئيه
الرجوع الى أعلى الصفحة اذهب الى الأسفل
http://harem.ahlamontada.com
هداية الله
عضو نشيط
عضو نشيط


عدد المساهمات: 5
تاريخ التسجيل: 09/02/2011
العمل/الترفيه العمل/الترفيه: ربت بيت

مُساهمةموضوع: رد: ملف شامل سئلتكم والاجابه عن النفاس والادويه    السبت فبراير 12, 2011 10:50 pm

من جد الله يعطيك العافيه ويبارك لك بذريتك يااااااااااااااااااااااااااارب
الرجوع الى أعلى الصفحة اذهب الى الأسفل
ام ساااااارونه
عضو نشيط
عضو نشيط


عدد المساهمات: 5
تاريخ التسجيل: 17/07/2011
العمل/الترفيه العمل/الترفيه: ربة منزل

مُساهمةموضوع: رد: ملف شامل سئلتكم والاجابه عن النفاس والادويه    الثلاثاء يوليو 19, 2011 4:31 pm

متى ابدا استخدم التحاميل وهل هي (مر...وقشر رمان ...ومحلب ...وملح وهل اقدر استغنى عن الملح


ومتى اقدر استخدم غسول القرض وقشر رمان والملح ومشكوره ع الموضوع الغاليه
الرجوع الى أعلى الصفحة اذهب الى الأسفل
WSAM80
عضو جديد
عضو جديد


عدد المساهمات: 1
تاريخ التسجيل: 12/02/2012
العمل/الترفيه العمل/الترفيه: محاسبة

مُساهمةموضوع: رد: ملف شامل سئلتكم والاجابه عن النفاس والادويه    الأحد فبراير 12, 2012 10:35 am

ازيكو يا بنات عاملين ايه انا مدام وسام انا مصرية وعيشة فى الرياض جوزى بيشتغل محاسب انا بحب النت جدا وحابة اعمل صدقات على النت لانه فعلن بيسلى الواحد وبعرف افضفض فيه انا ابنى معاذ كان عندى حرق فى ايده بسبب مياه سخنة ادلقت عليه وبعدين اتعالج هنا فى مستشفى السعودية لكن كانت اثار الحروق باينة فى ايده ويوم ما نزلت مصر فى الاجازة رحت لدكتور ابراهيم كامل وانا شفته كتير فى التليفزيون وهو نصحنى بعمل عملية تجميل بسيطة وجلسات ليزر على الحروق . والله الحمدلله فى خلال شهر الحرق اتحسن حوالى 80 % وانا كنت خايفة لان الولد فى المدرسة الولاد بتعايره بس انا الحمدلله بقيت مطمنة . ياريت يابنات تبعتولى ونتواصل على النت واللى عايزة رقم تلفون الدكتور ابراهيم كامل وعناونه وده على فكرة ده احسن واشهر دكتور تجميل فى مصر

مصر الجديدة :16 (أ) عمارات العبور طريق صلاح سالم امام بانوراما حرب اكتوبر
المهندسين : 21 ش مكة متفرع من محى الدين ابوالعز –امام بوابة 5 نادى الصيد- الدقى
تليفونات: 24019198 -24019197 (202+)
7614232 3 - 37614236 (202+)
01001452066- 01226465155 (2+)

الرجوع الى أعلى الصفحة اذهب الى الأسفل
ربي اني احبك
عضو فعال
عضو فعال


عدد المساهمات: 15
تاريخ التسجيل: 07/12/2012
العمل/الترفيه العمل/الترفيه: طالبه جامعيه

مُساهمةموضوع: رد: ملف شامل سئلتكم والاجابه عن النفاس والادويه    الجمعة ديسمبر 07, 2012 11:41 am

ياشيخه الله يوفقك
الرجوع الى أعلى الصفحة اذهب الى الأسفل
 

ملف شامل سئلتكم والاجابه عن النفاس والادويه

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات اسرار الحريم :: -- ❥☃ اسرار الحياة الزوجيه❥☃ :: ~♥~ منتدى اسرار حواء و الحياة الزوجيه ِ~♥~-