اعواد التمر بالسمسم (( حصرياً من يد مسوووو ))
--------------------------------------------------------------------------------
هلا والله
منوررين يالغلا
من زماااان ماشاركت في هالقسم
بصرراحه انا ساعات اسوي طبخات بس ماشتهي اقعد
واصور ههه خبركم لازم اركز في الطباخ لا يحترق وشسمه
عاد اليوم قلت بسوي حلاوة حق بيت خالاتي ويات لي هالفكره
الجهنمية
اول شئ
نبدأ بالمقاااديييييير
بسكويت الاحمررر ذي الاعواد نفس اللي بالصوووره
تمررررر (( طبعا التمر اللي شريته هاذي جاااهز يعني
من غير طعم بس تعال واكل ياسلام
ههههه شريته من اللبناني ب 7.50 فلس رخيييص
لا والصراحه ينفع حق اللي مالهم
بارض يجابلون كل تمره ويشيلون الطعم منها ههههههه ))
وهاذي صورته
الســـمــــــســـــــم
محمص
+
صحن فيه زبده ذااايبه او تقدرون تحطون شويه
زيت الزيتون عشان نستعمله لما نعجن
التمرررر عشان مايلصق باليد وشسمه
والحين نبدأ الشغل العدددددددددل
اول شئ ناخذ كميه صغيره هلون من التمر
ونلعوز يدنا بالزبده الذااايبه ونسويها كوووره
وعقب نحط التمر بالصحن ونسووويه مستطييل
ونحط بالوسط عود البسكويت الاحمر
نفس هالصوره
عقب نلف التمر دااار ماااااادار البسكووويت يعني نغطيييه كله بس نخلي تحت مسافه
مانغطيها بالتمر نفس الصوره اللي عقب بس حااااااسبووو لا ينكسر البسكويت وانتو
تغطونه بالتمرررررررررررر
واخر شئئئ نلعووووزه زين ماااازين بالسمسم يمي يمي
( يمكن تستبدلون السمسم
بالناررجيل مثلا او حتى مكسرات مطحونه يعني انتو واللي تحبووونه )
ونحطه بطبق التقدييم مع دله قهووووه ( اعذروني طبق التقديم مب مرتب لاني كنت
مستعيله كان جريب بياذن وانا للحين ماخلصت هههه )
وبالعااافيه على قلوبكمـ
واتمنى تجربونه لانه صج لذيذ وشكله غررررررريب وينفع حق اذا متوهقه وتبين
شئ سرريع صج انصحكم فيه