طريقه السمن

موضوع: طريقه السمن السبت مايو 09, 2009 4:34 pm

السمن

تعرفون كيف نسوي السمن العربي ..
والطريقة هي :

1. بعد ما نجمع الدهانه ( الزبدة ) .. نحطها عالنار ولازم تكون هاديه ..

2. نطلع الرغوة اللي بتطلع فوق وشوشي شوشي نطلعها ..

3. ويبقى بعده عندنا السمن يثور .. ونحط عليه شوية بهارات
( ملح حوالي فنجان + سنوت و جلجلان ومثيبه مطحونه مع بعضها
ولازم نحمرها شوي قبل ما نطحنها حوالي فنجان بعد + وطحين عادي
حوالي فنجانين ) ونحوث ( نخلطه) السمن والبهارات مع بعض لمدة
حوالي عشر دقايق ..او لين ما تلاحظون انه بدا يتجمع البهار والطحين
تحت والسمن فوق ..

4. ونخليه يبرد حوالي نص ساعة .. ونشخله شوي شوي علشان
المترسب ما يطيح ويا السمن .. واللي نسميها ( الخلاصة) ..
بس يكون طعمها مالح شوي ( علشان ما يخترب السمن بعدين )
وهذه الخلاصة البعض ياكل منها بس مب كلها والباقي يرومنه..

واذا كنتو تبون تعرفون اذا السمن طلع مضبوط وياكم بتعرفونة من ملوحة الخلاصة ..
ويحطونه فوق الجامي او الخبز او العيش ..

» طريقه للتخلص من الشعر نهائي طريقه السودانيات
» طريقه عمل الارز المعمر
» طريقه عمل الطحينه بالمنزل