افكار لبواقى الاكل

موضوعنا عن بواقى الاكل اللى بتفيض
وصعب انها تتاكل تانى يوم او زهقنا منها حرام انها تترمى
فى الموضوع دا افكار ازاى ندور البواقى دى للاكلات تانية
جديدة بافكار حلوة ومانرميش حاجة
وكل حاجة وليها افكار عندنا يارب الموضوع يعجبكم
وهيكون موضوع متجدد دائما بالافكار الجديدة
والى عندها افكارممكن تضيفها هنا
فى الموضوع ونفيد بعضنا

- بواقى البانية
لو عندك بواقى بانية اولا قشري طبقة البانيه
وشوفي وقولي رأيك بالافكار التالية
‏*نجرسكو
‏*رز بالباشمل
‏*بيتزا
‏*سمبوسة
‏*الشاورما دي
صفري بصلة وتوم_ملح_فلفل_بهارات كمون_شطة
عليها فلفل
مكعبات_جزر مبشور_بالترتيب كل 2دق ضيفي الي بعده_ماشروم وف الاخر الفراخ نفس دي اعمليها حشوات
‏*قطعيها صوابع وبعدين
اعمليها مع بطاطس محمرة ف الفرن وشربيهم شوية(دي لبواقي البطاطس كمان(
مرقة بصلصة ف طاجن
‏*شوحيهم ف بصله ضيفي
لسان عصفور محمر كملي
عليهم بمرقة وعصير طمطماية ياخد غلوتين وحطيه ف الطاجن ف الفرن وغطيهم بشرايح طماطم
‏*افرميها وشوحيهاببصله واحشي بيها بطاطس بدل
العصاج
_______________________

بالنسبة للدجاج المسلوق المتبقي بعد ما نخلص نطحنه و ممكن
نضيف له بطاطس مسلوقة ومطحونة ونعمله أقراص ونغمسه بالبيض المخفوق
ومن ثم البقسماط المطحون الناعم و نقليه بالزيت
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ
بواقى الزيت ممكن نعمل منة صابون (1ك زيت+1\2ك دقيق+10جرام بوتاس+2ليمونة)نضرب الليمون بالقشر فى الخلاط مع كوب ماء ثم نضعة على باقى المكونات ويقلب جيدا بملعقة خشب و يصب فى صنية قديمة مش هتستعمل بعد كدة و يترك حتى ينشف و يقطع مستطيلات وعلى فكرة مش مهم الزيت متبقى من أي

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ

بواقى الارز



الرز باعمله فتة
حمريله شوية شعرية ويبقي رز بشعرية
او حمري شوية رز ويبقي رز حبة وحبة

1) بشيله فى الفريزر و لما اجمع حبه مناسبين اضيف له مكرونة مسلوقة و عدس بجبة و يبقى كشرى
وطبعا اعمل دقة و حمص الشام و بصل محمر

2)افضل اجمعه لغايه لما يبقى عندى كمية و افرد نصه فى الصينية و احط فوقهم شوية جزر و بسلة مستوين و 3 او اربع معالق عصاج و افرد باقى الرز فوقهم
وعلى الوش شوية بشاميل و ادخلهم الفرن لغاية لما الوش يحمر و دى صينية الرز بالبشاميل
3) ازوده على كفتة السمك

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــ


االفينو لما بيبقى منه بحوشه وبعدين احمصه في الفرن واعمله بقسماط ناعم للبانيه والبفتيك
او اعمله شرايح ونفطر بيه مع الشاي الصبح
فى حاجة تانية :
لما الخبز الفينو بيتبقى باقطعة دوائر ونحضر صنية ونضع فى قعرها سكر
يعنى 2 معلقة ونرص الخبز الفينوعلية وبعدين نحضر كوب للبن ونضع علية
سكر وبيضة او اتنين مش فاكرة وسكرطبعا زى ما انتى عايزة ونضعة كلة فوق الخبز ويدخل الفرن والله بيطلع زى مايكون كيكية
طريقة تانية للعيش الفينو البايت قطعيه شرائح وبعدين نقليه فى الزيت لغاية لما يحمر زى القطايف وبعدين نطلعه ونسقيه بشربات( العسل التقيل يعنى 2 كوب سكر +1 كوب ماء +ليمونة ) القطايف وبعدين نرصه فى طبق ونرش عليه اى نوع من المكسرات وبيبقى طبق حلو سريع ومالهوش حل

بالنسبة للعيش البلدي او المدور حمصيه واعملي بيه فتة الباقى اليوم قطعية قطع صغيرة فى كيس بلاستك وعلى الفريزر عدل
ولما تحتاجية طلعية وحمصية بالفرن واستعمليه للفته العادية وفته العدس
ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ
قشطة اللبن على طول بجمعا فى الفريزر واسيحها واعملها زبدة كمان بتوفر شراء الزبدة البلدىوممكن يتعمل بيها الكيك
بتكون تحفة فى الطعم وهشة وتوفير للسمنةاو الدهون
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ

لما تضربي طماطم
متصفيهاش قشريها واضربيها بحالها
بس باغليها ف الشوربة عشان تتقشر اهو منها متغليش مية مخصوص
وف نفس الوقت بتدي
طعم للشوربة
وكمان اما تقشريها سيبي القشر ف الشوربة هيدها ريحة
وطعم وابقي صفيها
لو عندك جزرة دبلانة شوية حطيها للشوربة
هتاخد ظفارة اللحم
او الفراخ وتدي طعم
للشوربة

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

لما بيفضل عندى سمكة او اتنين من السمك المقلى بحطه فى كيس فى الفريزر وبجمعه وفى يوم بجيب بصل وطماطم وفلفل وبقدونس واعمله فى الفرن مع الكمون والنعناع الناشف والتوم واوووووووووووووووو بتبقى ريحته جايبة اخر العمارة وبتبقة اكلة جديدة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
لو عندك بواقي كورن فلكس مكسر يعني الولاد مش هاتعرف تاكله اطحنيه شوية وزودي بيه بقسماط البانيه بيبقي احلي بكتير

بواقي البيض المسلوق وبايت
اعمليها سمبوسة ولما تعملى القشطة زبدة
بيطلع منها لبن اسمة سرد
اللبن دة اوعى ترمية
ممكن تعجنى بية المعجنات بيطلع تحفة لانه اساسا لبن

الفطير اللى بينشف بشيله فى الفريزر
وبعده اعمل بيه ام على

حشوة سمبوسة او بيتزا تشيلي كيس ف الفريزر تجمعي الحاجات الي تنفع
حشوات ويوم السمبوسة تبقي جاهزة ومنوعة كمان
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ
والجبنة البيضا لما تبقى قعدت عندك فترة وخلاص حتبدأتطلع ريحة

قطعى فلفل رومى عليها و ممكن زيتون مقطع صغير كمان و رشة زعنر
و احشى بيها الفطاير او السمبوسة

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
بواقى الجمبرى والسبيط اوالماكولات البحرية باخدها واعملها اعادة تدوير واضعها فى الرز مع البصل والبقدونس والكمون بيقى تحفةبضيف الجمبرى والحاجات دى اثناء الطبخ وبيبقى اكلة جديدة
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
اللحم العصاج ده كنز لا يفني خدي عندك
مصقعة حبيبتي
مكرونة بشمل
بيتزا_سمبوسة
بطاطس بيوريه
او تشيليها ف الفريزر لما تعملي حاجة من دول وتكملي عليها
ممكن ابشري بصل وتوم وصفريهم بشوية زيت_ملح_فلفل_بهارات_شطة_
كمون
عليهم جزر مبشور _مكعبات فلفل اخضر
لحد ما يتشربوا ثم ضيفي اللحمة ووطي النار ربع ساعة
هتبطلي تشتري شاورما
وهتلاقي طعم الجزر جميل جدا_دي تنفع مع بواقي الفراخ لما تخليها_فراخ مفرومة_لحمة مفرومة نية
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ