طريقة عمل الخبيصة بالصور

خبيصــــــــه بالسميد



المقادير مضبوطة مئة بالمئة



اولاً :


1- نييب 1 كوب كبير من السميد
ونحطه في جدر و نحمصه على نار هادئه جدا

ونقلبه باستمرار ,,
بتلاحظون بعض حبات السميد بدت تشفر ,, و بتشمون ريحته

هنيه سكروا النار و اتركوا الجدر على صوب




ثانيــــــاً :


1-
بنييب : ثلاث ارباع الكاس سكر و نحمره على النار ,,,




وبعد ما بدئ يستوي لونه احمر ,, بنضيف عليه ( 1 كاس ماي + ربع كوب ماي ورد و زعفران + 5 حبات هيل + عود قرفه )




وبنتركة يفور على نار هادية لين مايذوب السكر في الماي






2-

انبتهوا لهالنقطة

بعدها بنبعد الشيرة من النار وبنضيف السميد شوي شوي للشيره وبنحركه
لانه بتحصلون السميد يفوووور في الشيره و يرتفع ,,


بعدها نرجع الجدر للنار و نحرك ,, بتكون الخبيصه وصلت لهالمرحلة




في هالمرحلة نضيف له ربع كوب زيت نباتي و نقلب

ثالثـــاُ


وهي اهم مرحله ... مرحلة تقليب الخبيص ع النار


التقليب لازم يكون بشكل مستمر و على نار هادية جدا

( الصراحه كنت قلبه دقيقه و اتركه دقيقتين و ارجع له ,, اهم شي لا يلصق في القاع و لا يحترق ^_* )

يحتاج لوقت تقريبي من 30-40 دقيقه


طبعا مثل ماخبرتكم التقليب مستمر ,, لان في هالمرحلة نبي الماي ينشف ,,, بعد نصف ساعه خذوا مقدار بسيط من الخبيص بيدكم و ضغطوا عليه شوي

ان كان جاف بتحصلونه نشف و دسم
وان كان بعدها يباله ,,, بتحصلونه بعده طري نوعا ما
ضيفوا ربع كوب زيت مره ثانيه للخلطة



قلبوه 10 دقايق بعدها

وخلاص سكرررروه و اتركوه يبرد
وشيلوه حبات الهيل و القرفه من ال خبيص

النتيجه بتكون كالتالي

زينته بالفستق ,,,
وان شاء الله طريقتي عجبتكم

الخبيصه}} اكله بحرينيه



تعتبرالخبيصه اكله بحرينيه



طريقة عمل الخبيصة


المقادير


- طحين
- شكر
- هيل
- زعفران
- ماي ورد



طريقة العمل


-احمر لطحين الكيمة اللي ترغبون فيها ابـ هالطريقة


لين يصير عندنا اللون ذهبي والريحة اتصير حلوه



- ننخل لطحين علشان ما يكون امنقص







الحين انجهز الجدر
وناخذ كمية الشكر إذا كنتوا اتحبون الخبيصه تكون حلوه وايد فـ كثروا من الشكر
وتخلون الشكر يذوب لين يصير لونه ذهبي ،،






وصبوا عليه ماي لين يصير مثل المرق
تالي ضيفوا عليه الماي ورد والزعفران والهيل ويكون ابـ هالطريقة




الحين انييب الجدر اللي فيه لطحين
وانصب فوقه اشوي من الشيره وانخلطه بقفشه خشب وباستمرار عشان ما يتكتل لطحين صوب واحد





ولازم يكون التحريك باستمرار وبقوة لين انحس ان الخليط صار عندنا نثري
وتالي انخليه شوي على النار الهادئة لين يكون الخليط جاهز للتقديم







الطبق النهائي