الحسو الرشوفه،الرغيده،الحلبه ، الحسو أكله شعبيه معروفه للنفاس

الرشوفه أكله شعبيه معروفه عند دول الخليج ويسوونا للمرأه الوالده على قولهم علشان تتقوى لما فيها من فوائد


الرغيده والحلبه عند أهل السعوديه وكل منطقه يسموها بأسم
البحرين والإمارات الرشوفه
والكويت الحسو


وناس تفضلها بالبيض والا عندنا لو فيها بيض ما اكلوها
وتختلف طرقها بأختلااف بسيط



/ المقادير /

مقاديرها من دون تحديد حسب رغبتكم
1 كأس طحين أبيض / 8 ملاعق طعام سكر (حسب رغبتكم زياده لو تقللوا الكميه ) / 1/2 فنجان حلبه / 1/2 فنجان حب رشاد / 3 _4 ماء حسب ما تحبوها سائله لو غليظه / كركم / بهارات


او مقاديرررر


المقادير 1
- فنجانين قهوه صغار حب الرشاد
- من 3 إلى 4 فنجانين سكر
- ماء تقريبا لتر ونص أو اكثر شويهذه صورة حب الرشاد


الطريقه

هذا هو الحلبه وحب الرشاد






أول شي نغسل حب الرشاد ونحطه في الجدر







ونحط عيله السكر







ونصب عليه الماي ونحطه على النار لمدة تتراوح مابين 20 - 30 دقيقه ونقلبه كل فتره عشان مايلصق في قاعة الجدر




بعد مايستوي حب الرشاد .. ناخذ جدر ثاني اكبر شوي نحطه على النار ونحط فيه ملعقتن طعام زيت أو سمن أو دهن عربي






ونحط عليه ملعقة طعام طحين ونقلبه قلبتين



ونحط عليه ملعقة طعام زنجبيل مطحون (بودره) ونحمره مع الطحين لحد مايصير لونه ذهبي



بعدها نضيف بهارات مكونه من
- 1 ملعقة شاي فلفل أسود أو أقل شوي
- 1 ملعقة شاي كركم
- 1 ملعقة شاي سنوت (كمون)
- 1 ملعقة شاي يليلان (كزبره)
- 1 ملعقة شاي دارسين (قرفه)
- 1 ملعقة شاي هيل










ونحمرهم شوي مع خليط الطحين الزنجبيل .. من وايد عشان ماتحترق البهارات








بعدها نرفع الجدر ونصب عليه حب الرشاد ونخلطه بسرعه عشان مايتكتل ونرجع نحطه على النار





كان جامد شوي نزيده ماي على حسب الكثافه اللي نبيها .. ساعات يكون السكر قاصر شوي ممكن نزيده بعد حسب الرغبه ونخليه على النار شوي .. تقريباً 10 دقايق مع التقليب كل شوي عشان مايتكتل ويلصق في قاعة الجدر ..

وهذا هو بعد ماجهز











[size=18]وهو مفيد جدا

وانا احبه

ودايم اعمله وقت الدوره

ومثل ما انتو عارفين ان كل ثلاث دورات تعادل نفاس

والاعشاب اللي فيه مفيده جدااااااااا جدا لنظافة الرحم

وخاصتا حب الرشاد اللي فيه

ويخفف من الم الدوره

او اللي تتاخر عليها الدوره مفيد لها

هو طريقته سهله لكن اعشابه كثيره وفي منها يبيله حمس وطحن

ومن تحضرين اعشابه خلاص تحفظينها عندج وتعملين منها كل ما بغيتي








وهذي طريقه ثانيه




..

اول شي في الجدر احط 4 م طعام سمن لورباك .. لما يذوب احط فوقه تقريبا 4 إلي 5 م ط طحين واقلبه في الجدر على نار وسط
تقريبا دقيقتين بعدين اضيفله على راحتي ماي وبالمجراخة مالت الكيك اليدوية اجرخ لمى يتجانس الطحين مع الماي و ضيفيي الماي ليمن
تصير كثافته مثل المحلبية ثقيله بعدين تضيفن له 4 م ط حسو واذا تبين ضيفي له فلفل اسود وضيفي نص قلاص سكر او اقل شوي
حسب ما انت تبينه حالي حيل ولا حلاوة متوسطة ... واخر شي ضيفيله سمنه لورباك قفشة وبالهنا والشفا






طريقه 3 الحسو


الحسو

تحطين قدرك على النار فيه ماي باسوي معاكم بمقدار 6 اكواب ......طيب ؟؟
خليه يطبخ وحطي فيه من السكر تقريبا 5 فناجين ونص ملعقه صغيرة كركم....
..

.. اول ما يغلي ..

حطي مقدار 2 بياله حسو ((يسميه البعض حب الرشاد))

خليه يطبخ لين تحسين كل حبه تكونت حولها هاله...وترى ما ياخذ وقت يمكن 4 دقائق..

تكونين ماخذه قبل 4 ملاعق طحين رقم2 ومحمرته شوي ..
واول ما تحمرينه خليه يبرد شوي ثم حطيه بالخلاط مع كوب وربع ماء
وبعد الخلط كبيه على الحسو مع التحريك حتى لا يتكتل...
خليه بنار هادئه ..ولا يثخن وااجد ..لاسائل ولا ثقيل ..وسط ..
اقرب يكون شراب..

بعد الغرف في صحن صغير فوقه سمن وبيض مقلي قطع صغيرة..






طريقه4 الحسو




الحسو

(( بطااسه تخلطين 3 فناجين طحين + فنجانين سكر وماي وخلطيه مع بعض لحد مايتجانس
وبجدر على النار 2 ملعقتين كبيره سمــن وقبل لاتذوب حطي 2 ملعقه رشاد وعلى طول صبي الطحين وبعدين حركيه وقصري على النار وحطي 1 الى 2 ملعقه حبه بركه وحطي شوي كركم وخليه يطبخ من 10 الى 15 دقيقه وبلأأخيييير حطي 2 الى 3 ملاعق مردود من اللي عندج وكسري بيضه وخليها دقيقتين وسكري النار


وبالعاافيه على قلبج تراه يكفيج اكثر من الاربعين يوم وبالهناا والشفي على قليبج وبالعاافيه






ملاحظه ...

في ناس يحبون الحسو مع البيض ..
اذا كنتوا من هالناس تكسرون بيضه قبل لاتسكرون على الحسو وتقلبون بسرعه وتخلونه شوي وتسكورنه

وبالهنا والعافيه على قلوبكم ..

طريقة الحسو سهله حيل نفس طريقة أمي

أول شي تذوبين مكعب زبدة الصغار حيل بجدر صغير حيل وعقبها صبي عليه

كوب ماء دافي وملعقتين كبار سكر وملعقة وحدة كبيرة من الحسو وملعقتين طحين محموس شوي

أحسن علشان النكهة وخليه يطبخ شوي على نار هادية وبس

حسو اهل البحرين


ننقع الرشاد فنجالين من الليل ومن بكره الصبح تسوين الحسو اول شي يحمس البصل والثوم بالسمن مع كركم وفلفل اسود و(زنجبيل ودارسين)حسب الرغبه بعدين نكسر البيضه ونحرك بسرعه البيضه وبعدين نضيف الرشاد بعد مانشخله ونغسله وضع ماء وسكر وليمون اسود ونخليه يطبخ الى ان ينضج ويقدم الحسااااااء وهو ساخن وعلى فكره هذا الطبق مفيد للنفاس وللحائض بس للسمنه مايحتااااااااااااااج00000000000
واتمنى يااخت شهوده تردين علي وتقولين هذا اللي تقصدينه والا لا




أهل المحرق فإنهم يضيفون بعض حبات من الليمون الأسود الجاف مع الحسو وهو يغلي وبعد أن يجهز ترفع درجة حرارة النار تحت القدر ويصب على الحسو بيض مخفوق مع البهارات والملح ويقلب الخليط باستمرار حتى لا يتكتل البيض في الحسو. وقد جرت العادة على أن يعطى الحسو للمرأة الوالدة صباحاً كإفطار. ويوزعون الحسو على بيوت الأهل والجيران وكان من العادة والتي مازال البعض يحرص عليها أن يوضع في الوعاء الذي أرسل فيه الحسو كمية من السكر والبض ويعاد لأهل النفساء كنوع من التكافل الاجتماعي الضمني لمساعدة أهل البيت في بعض مقادير الحسو الذي كان واجباً على أهل النفساء أن يوزعوه.









- حسو ( حبوب الرشاد )
- 4 بيضات
- شكر
- دهن خالدي
- 2 لومي أسود
- لبهارات ( كركم - هيل - دارسين - سنوت جلجلان - ينزبيل - فلفل أسود )

طريقة التحضير ..
طبعاً باشرحها لكم بالعامية
- انقي الحسو مثل ما انقي العيش ،، وتالي انقعه في جدر وانضيف له كمية من الماي ،، وانخليه فترة نص ساعة،، وساعات انخليه يوم كامل،، ولين رجعتوا له بتلاقون الشوائب متيمعه صوب واحد عاد تالي شيلوهه ،، ابـ هالطريقة بتكون







- ناخذ الجدر وانصب فيه كمية من الدهن الخالدي ،، وانخليه يحمى شوي ،،







ونكسر البيض وتقدرون تحطون حسب رغبتكم ،، وتالي انضيف باقي المقادير من لبهارات ،، الدارسين - الهيل - الكركم - فلفل أسود - سنوت جلجلان ويتم التحريك متواصل






- لين يستوي البيض زين ما زين ابـ هالطريقة






وتالي انحط بعد دهن خالدي ،، وتالي انضيف حبوب الرشاد ،، فوق البيض ونخلط المقادير بـ ستمرار









- وتالي انضيف الزنجبيل والسكر واليمون الأسود ،،
الشكر حطيت أول شي 5 فناجيل وخلطته زين مازين
وذوقوا الطعم إذا عجبكم تمام التمام وإذا ما عجبكم ضيفوا عليه اللي تبون
وأنه ضفت عليه تقريباً فنجانين ونص زود والطعم كان فضييييع


وتالي انغطيه وانخليه على نار هادئة لين يستوي على سعة ،،،





وبالعافيه

يعطيج العافية
وتقبلي مرروري