طريقة تلقيم اللقيمات بالصور

طريقة تلقيم اللقيمات

اول شي لازم تكون العجينه ثقيله اشوي


لان بعد التخمير راح تخف


وطريقة التلقيم سهله


حطي عندك ملعقة النايلون البيضه مالت المطاعم عرفتيها؟؟ او ملعقة وسط ...وحطي جنبك طاسه فيها اشوي زيت وطاسة العجين واكيد المقلى اللي فيها الزيت الساخن على نار هاديه ...










تعصرين العجينه بهذا الشكل وراح تخرج العجينه من المكان بين السبابه والابهام ... وتقريبا راح تخرج بشكل الكوره .... تاخذينها بالملعقه التي غمسناها بالزيت ... عشان لما تصبينها بالمقلى تنزلق وتنزل بسرعه وما تلصق العجينه بالملعقه .... وان شاء الله تكوني فهمتي الطريقه راح تكون الكور متساويه وشكلهم مكور


ملاحظه مهمه : ابدا لا تستعملين الماء في صب اللقيمات دائما استعملي الزيت لان الماء راح يصير ناااااااار ويفرقع مع الزيت الساخن

معلومات عن اللقيمات

حابه احط لكم بعض النقاط المهمه في عمل اللقيمات من خلال خبرتي فيها او لتجربتي لها طوال السنه ... لاني من محبات اللقيمات ومااعملها بس برمضان انما اعملها باي وقت


الطحين :





الطحين المفضل ان يكون الطحين الابيض ... واحسنهم الكويتي


وممكن استعمال طحين البر يعني كاس طحين ابيض وكاس طحين بر


وممكن استعمال طحين هوم بريد لان فيه بيكن باودر منه وفيه


الخميره:





الافضل ان تكون من هذا النوع ...مع اضافة رشة سكر لتنشيطها فقط


الملح :


من الافضل ان نضع رشة ملح مع العجينه


النشا :


النشا او طحين الذره يعطي اللقيمات قساوه وقرمشه


الكاستر :


يعطي لون اصفر للعجينه


الحليب البودر :


يعطي نكهه للعجينه


البطاط :


يعطي اللقيمات لذه بطعم العجينه ويعطيها الهشاشه والقرمشه الخفيفه


ماء العجن :


يجب ان يكون دافي .. وليس ساخن حتى ما يخرب الخميره ...


وممكن استعمال اللبن بدل الماء


الزعفران :


يعطي لون ونكهه


الهيل :


يعطي نكهه مميزه للعجينه ... او ممكن يرش على اللقيمات بالاخر


شكل العجينه :