ملف شامل سئلتكم والاجابه عن النفاس والادويه

اسئله عن النفاس

الخراب

النظام

حبيت احطها هنا بدون ذكر اسماء

اسئله عامه للاستفاده...


نجى للاسئله ....





1 شلون ماغسل شعرى وانا نفاس وشلون ماكون واقفه ؟


الترويش للنفاس يختلف.. يعنى لما تجين تتروشن وانتى نفاس لا توقفين تحت الدش

زى مانسوى حنا بلايام العاديه

لا اجلسى على الكرسى الافرنجى حق الحمام

واغسلى جسمك من تحت ,,,, يعنى لاتغسلين شعرك

السبب ...

غسل الشعر وقت الدوره والنفاس مضر للحرمه.. لان الرحم خفيف..

ويسبب ضعف للمبايض .. وفى دراسات تقول : يسبب امراض شينه
ابحثوا عن الموضوع وتشفون ...








2 بعد كم يوم اغسل شعرى وانا نفاس؟



بعد كم يوم

يعنى نفاسك كله لا تغسلينه الامرتين ثلاث بالكثير ...





3 احس بنفاسى زى الثلجه برحمى ... وش السبب ؟


السبب هواء ... حتى مع حرصك ممكن يدخل .. الهواء يدخل مع الاذن

من الرجول اذا مشيتى حافيه...







4 نظام فيافى زين ؟
ماشوف فيه شي غلط .... عندى اعتراض على شي واحد بس فيه

االمطبوخه.... او الطبيخه .. او مشروب الاعشاب

ثقيل ... وفيه اعشاب كثيره مامنها فايده ممكن تستغنين عنها ...





5 عندى حساسيه من الماش .. وش اسوى ؟
ماظن الماش يسبب حساسيه ,,, بالعموم انتى ابخص بنفسك
اذا يسبب لك حساسيه لا تستعملينه ...

6 ممكن اسوى الهوم واحفظه بالفريز ..
والله انا مافضل يصلح بدرى اول باول افضل .. وبنهايه الظروف تحكم ....

انا مثلا اشترى اغراضى من بدرى لان عندى ظغط مرتفع وعاده اتنوم اخر شهور حملى

عشان كذا ظروفى حكمت .,,,,




7 ممكن اتشطف بالمره الايام الاولى ؟
ممكن بس مو لحالها مع ملح افضل



والغسول الجيد
مره + ملح + قشر رمان + ارطا

8 ولدت السنه الماضيه ومات مولودى .. وكنت حزينه طول النفاس و




طبقت نظام ومانفع معاى تتوقعين الحاله النفسيه لها دور ؟


الله يعوض عليك .. ماحد ينكر دور الحاله النفسيه بالنفاس

اذا اجتمع بالنفاس

اكل صح
وادويه سنعه
وراحه نفسيه

بتكون النتيجه طيبه ....

بس بعد مع تقديرى لظرفك .. الاهمال مو بصالحك

انتى بعد الاربعين ودك تحملين بسرعه عشان تعوضين الى راح منك

لازم تحملين وانتى صح ورحامك سليمه

لا تهدمين شي

على حساب بناء شي اخر ..



9 التحاميل النسائيه زينه ..؟


مو شينه ولها فايده بس مو للجميع ..

يعنى الى معها التهاب ماتمشى معها ..

وانا افضل تحاميل شغل يد بالبيت

افضل .. حتى من التحاميل الطبيه ...

وتستخدم يوم وراء يوم ..



وهناك طريقه يربطون خيط بالتحميله من تحت


وتدخلينه ويبقى الخيط طالع من برى
وتنامين

والصبح تسحبين الخيط وتطلع البلاوى ..

وبالنسبه للتحاميل الطبيه الى من الصيدليه

فيه تحاميل سعرها 16 او 17 ريال

كرتون ابيض فيها خطوط خضرء

تستخدم يوم وراء يوم ...

مايحضرنى اسمها الحين

هذه جيده للاستعمال ...





10 انا طهرت من النفاس لى عشرين يوم ...اكمل النظام او خلاص عادى ؟؟
لا طبعا تكملين الى نهايه الاربعين

حتى لو مامعك دم .. كملى .. كل شي

الاكل الممنوع تتركينه...

والنظام خليه قائم

والغسول

كل شي ... كل شي ...

وهذه من الاخطاء اللى تصير اذا طهرت قالت خلاص قضيت ,,,





11 ماهو ا لهوم العشرين يوم الاولى ..


ماش + حلب

تطحن بعلبه وتكون نفس المقادر يعنى مقادير متساويه

ويسف الصبح سف

ويشرب عليه حليب حار

او ممكن تحطينه بعد مع العجينه وتسوين خبزه ..

واللهوم على جوع افضل ... يعنى لاتاكلين قبله شي




12 كيف التمره والرشاد ؟ ومتى تستخدم اول الايام او اخرها ؟
التمره اهم ركن من اركان نفاسك ..

تمر بدون فصم ... بدون نوى .. ويفضل التمر الجيد

تكون معبوطه يعنى معجونه .,, تحطين شوى بقدرر وتحطين معه

رشاد حب بدون طحن+ فلفل اسود + حبه سوداء + سمن برى وانا افضل السمن البرى

اكثر من زيت الزيتون فيه بنات تحط زيت زيتون ماتبى السمنه

السمن افضل .. تحمى التمر على النار تسخين خفيف

وتاكلين منها طول الاربعين

صبح ولليل وكل وقت مفيده

وتشربين عليها قهوه بدون هيل مع دواء القهوه



13 الطماطم ... الموز .. الا ناناس.. الفاصوليا .. الجزر ... البطاطس .. تضر بالنفاس؟
ممن تاكلين مع المرقه والمرقوق بطاطس

الباقى مانصح فيه ...







14 اشوف عند حريم اخوانى قواطى خضراء وحمراء .. ولاعرفت وش و الا من المنتدى انها ادويه

ولهوم ...؟
هههههههههه مو مهم لون العلبه المهم اللى بالداخل ... ومدى الاستفاده من القوواطى والاستخدم الزين لها

الطيبه الى تخلص القوطى حقها .. مو بعضهم يطوف وتنتهى صلاحيته .. وهى ماكلت منه ..



15 اخذت لهوم عباره عن

( قشرر رمان +رشاد + حبه سوداء+ حلبه + سكر نبات )
واشربهم بعصير .. صح او غلط ؟بعصير ... وويلى ويلاه

مااردى من الاول غير التالى

لا طبعا مايصلح ...





16 بنفاسى ماينزل معى دم بس افراز بنى .. ومعى صوت .. واحس برود جنسى وزوجى ضايق منى ؟
ياختى الحاله عندك حاله

عدم نزول الدم بنفاس ممكن يصير مع العمليه القيصرى

مو عدم نزوله لا يكون قليل

وبحالتك

ماينزل معك دم وشي بنى + صوت

دليل خراب اكيد

والنتيجه البرود وشكوى الزوج ...

عطى نفسك مده علاجيه ثلاث شهور ثلاث دورات وراء بعض

واهتمى بكل التفاصيل الصغيره ..
من اكل

وشرب

ولهوم
ادويه

وممنوع

وكبو

بالنسبه لحالتك ..

عليك بالكرشه باول دوره تجيك كرشه الذبيحه

وبحط موضوع مستقل عن الطريقه للكرشه
هذا للعلاج الصوت معك






16 انا مو حامل ... بس اقدر استخدم الهوم بالدوره ؟
طبعا واكيد والمفروض تتعاملى مع دورتك الصغيره بنظام تعاملك بالنفاس الكبير

اهمال الدوره شين .. احذروا يابنات ...

17 انا حامل ومعى صوت .... وش اسوى ؟
مانصحك تسوين شي كونك حامل ,,, ربك يعين
بس لاتفتحين رجولك قدام مكيف

خاصه وقت العلاقه .. وفهمك كفايه

هذه نتيجه الاهمال ... جايك نفاس

الله الله بنفسك ...

18 قلتى بموضوعك حلب تقصدين الحلبه ..؟
نعم هى نفسها

19 وش فايده الغسول؟

يشد المنطقه ويطهرها ويساعد بالتائم الجروح



20 انا قيصرى استخدم الغسول ؟
نعم تستخدمينه ..

12 كيف المنقوعه ؟
المنقوعه

تجبين علبه مويه صحه صغيره
وتحطين فيها شوى ..

عنزروت+ محلب + مره + مباركه شوى

وتحطين مويه وترجين العلبه

وتخلينها تركد

وتشربين منها ...



1 2وش احط مع الاكل وانا النفاس؟

مرقوق
مرقه لحمه
اى اكل

تحطين معه

حبه سوداء + ماش + حلب

يكون حب غير مطحون


22 وش هى الاشياء اللى تخرب ؟
الصك

اللك

الشبه

العفص



23 وش الحل مع الفرزات والمويات ؟
الاهتمام بكل شي

بالدوره والنفاس

من اكل وشرب وكبو

وغسول

وابتعاد عن الممنوع

والحل عندى للمويات

لهوم يستخدم العشرين يوم الاخيره بس لاتكثرين لانه ينشف مره

مرتين باليوم يكفى ...



24 ذكرت الرزنه .. شلون استخدمها ؟


الرزنه اطحنى عندك بعلبه صغيره

واذا شربتى شاهى عادى حطى بالكاسه حقنت شوى واشربى الشاهى

تنظف البطن وجيده جدا بالنفاس ...


25 استخدم كبو وانا بنت ماتزوجت ؟


ممكن تستخدميه عادى

هو علاج للهواء واغلب البنات معهم هواء للاسف



26 وش الممنوع تستخدمه البنت الى ماتزوجت بالنظام ؟
التحاميل

ممنوع تستخدمها البنت الى ماتزوجت ..

والباقى عادى

27 اقدر اسوى الكرش وانا مافينى صوت ؟


نعم تقدرين وانصح فيها

28 انا معى صوت ومسوى لى احراج كبير .. بس ماقدر اجيب كرشه ذبيحه صعبه

فيه حل ثانى ؟

فيه حل مع انى افضل الكرشه

بس ماتسكتين على حالك

سوى خبزه بالفرن طحين بر

وحطى فيها كل الادويه الى عندك

حبه سوداء + ماش + فلفل اسود

حلب

واعجينها مع الخبزه ودخليها افرن تستوى

وبعدين طليها وحطيها بصحن

وبطانيه

نفس خطوات الكرشه

بيخف الصوت معك

وبالتكرار والمواظبه والحرص والاهتمام بينتهى
باذن الى ماتنام عينه .. بس لاتهملين




26 انا قريت موضوعك وقمت اشك بنفسى... مدرى
بس وش اكبر مشكله ممكن تواجه الوحده بالنفاس ؟
اكبرمشكله بالنفاس

الهواء

خواء الرحام

وسببه الجوع والاهمال

واعراضه

صوت من تحت يشبه صوت .. ط ...

وهومحرج ومزعج وويصيب البنات والمتزوجات

والمشكله اللثانيه

المويات والافرزات

تضايق الزوج وتنكد على الوحده

وعلاجها الاهتمام

والكبو



28 و ش اعراض الشمم ؟
الدوخه

الغثيان

الاستفراغ

نبض ودف مكان الجرح

الطبيعى من تحت

القيصرى من العمليه ..

_________

هذه بعض الاسئله الى وصلت عندى

اتمنى لكم الفائده

موفقين خير جميع

الله يجزاك خير لكن انا توني جايه من العطار عطاني الصك والك مع الصمغ وحب الرشاد قال هذا مهم جداااً للعظام ووجع الظهر يعني تاخذين ملعقه في الصباح والمساء على كاس حليب دافي ...


ماراح اعلق على كلامك الا بنقطه واحده ,... لانها صدمه بالنسبه لى ,,,

الصك واللك ....

اكبرمخرب للحرمه

صحيح يقفل الدنيا معك بس مؤقت ...

والجسم اذا تعود على الصك واللك اصبح اسير ... لشى مضر

اى عظام الى مفيد لها ؟؟؟

اسئلى اى وحده عندها ذمه وضمير بتقولك

الصك والك

والشبه

والعفص

خراب للحرمه ...

تخليك مويات تجرى ... لو غفلتى عنه يوم ...

موفقه خير





المنقوعه وش وظيفتها ومتى نستخدمها؟
بالنسبه للترويش اذا ثلاث مرات طول النفاس والله صعبه الشعر يزيت وشكلك عند زوجك مو حلو اذا زارك او الناس ؟
ومتى ابد اول مره اتروش بعد الولاده بأسبوع او اقل او اكثر ؟



المنقوعه...

تستخدم عادى اى وقت طول الاربعين

عنزروت + مره + محلب +مباركه

بعلبه على مويه

الترويش .... تروشى بس الشعر مانصح فيه ....

شكلك عند زوجك مو حلو ؟؟؟؟

طيب شكلك عند زوجك بعد الاربعين ومعك خواء ارحام بيكون حلو .,,,او صوت طالع معك شلون شكلك ذيك الساعه!

ياختى انتى نفاس

لفى راسك وشعرك بطرحه او غطاء لان الهواء يدخل مع الاذان

شكلك بيكون احلى من كل النواحى بعد الاربعين

زوجك مايهمه زيت شعرك

بقدر مايهمه امورك من تحت وهو ينتظر عقب الاربعين

كثير منكم يقدم السنه على الواجب

ايهم اهم مصلحه نفسك

او منظر وشكل مؤقت

موفقه خير





اسألك عن الربط للطبيعي
بمشد اللي يقولون عنه الاندونيسي ولا شمااااغ ؟




مافضل المشد الاندونسى

او عشان اكون اكثر دقه ماجربته...

ولا احد من الى حولى جربه

الربط بالشماغ افضل ....

انا مع الربط بالشماغ بقوووه

موفقه خير




عندي سؤال..انا لي والده شهرين ونص معي إفرازت صفراء وانتي بكرامه بس هالشي جاء بعد الولاده واحس فيه رطوبه زايده وقت هالشيء رغم انه قبل كنت استخدم مزلاقات وكريمات هل انا خربانه واحتاج علاج ؟؟؟



باذن الله مانتى خربانه

الخراب يكون

الصوت من المنطقه + مويات

وانتى ماعندك خراب كايد

بس حالتك تحتاج وقفه ... الافرزات والمويه شي يضايق الزوج


انتى الحين بدون حمل

عطى نفسك

مده علاجيه 3 شهور

3 دورات

واهتمى بكل شي

من اكل
وشرب

وابتعاد عن الممنوع
وكبو


ولا تهملين نفسك اعتبار من الدوره القادمه

موفقه خير




كيف طريقة التحاميل اللي تتصلح بالبيت؟

التحاميل بالبيت

مره مطحونه +محلب مطحون + ملح خشن

تعجن بعسل

وتكون بحجم النوى حق التمر

وتنشر بمكان جاف

وتستخدم

بس اذا فيه التهاب مانصح فيها
موفقه خير





بس بسئلك عن الكبو الا هو قشر البصل العادي الي عندنا صح والكمون يكون حب لو مطحون والمره تكون مطحونه لو مكسره ومتى ابدا اسويه وبس اوقف وهو تحتي والله ششلون ومشكورة مقدما يجزاك الله بالجنة

والغسول الجيد

مره + ملح + قشر رمان + ارطا

الملح الخشن لو العادي وتكون المكونات مطحونة لو عادية يعني انقعها بموية واتشطف فيها؟؟؟



قشر البصل نعم هو العادى الى بالبيت ماغيره

يفتت بالليد والكمون للكبو مطحون والمره مطحون

تجمعينهم بعلبه عندك بالحمام

وتستخدم كبو على فحم ...

وتسوينه اخر الايام من دوره ونفاس

الدوره اخر يومين او ثلاثه على حسب مده دورتك

والنفاس العشرين يوم الاخيره
بس اغلب الحريم تبدا فيه قبل

من الشمم والهواء

ومافيه مانع تبدين فيه قبل

توقفين وهو تحتك

لا لا.....


تغلفين صحن عندك بلاستيك قديم بقصدير

وتحطين فحمه على النار

وتحطينها بالصحن

وتحطين عليها من مكونات الكبو الى جمعتيه ...

وتحطين الصحن بالكرسى الافرنجى بالحمام

تنزلين الصحن تحت بالكرسى

وسكرى مرواح الشفط

وشيلى ملابسك الداخليه

الكلوت

واجلسى على الكرسى عادى

بس لايكون فيك نقط بول ..

تبولى قبل

اجلسى دقائق

لحد مفعول الكبو ماينتهى

والبسى فوطه وملابسك وسروال طويل

وانتى جالسه الكبو

مو واقفه

الملح الخشن هو الملح الفارسى

وليس ملح الطعام ساسا

الغسول افضل تكون مكوناته مطحونه حتى يركد معك بالمويه ويصفى وتغسلين فيه

موفقه خير





ودي اسألك عن الكبو حق قشر البصل و الكمون و المره

هل تكون مقاديرهم مطحونه او لا .. ؟

و كيف الكميه .. ؟

و ايش هي فايدته .. ؟




مقادير الكبو انا افضلها مطحونه

اطحنها واحطها بعلبه عندى بالحمام ...

الكميه انتى تقدرينها

بس تكون متقاربه

الفائده للكبو ...

محاربه الشمم

للوالد ...


والشمم عدو للنفاس

وتحسين فيه بنبض ودف مكان لجرح

القيصرى مكان العمليه
والطبيعى من تحت

وغثيان واستفرغ

بسبب شم عطر اثر على الجرح

والكبوو علاج فعال للحاله

والكبو له فائده

بخروج الهواء من الرحم

وكثير حريم بعد الولاده فيها هواء

يبدا من غرفه الولاده نفسها

البارده والرجول مفتوحه

ويتاثر الرحم

الكبو جيد للنفاس وركن مهم

موفقه خير








الحلبة الافضل تكون حب و الا مطحونه ؟؟؟؟؟؟....لاني قريت ان طحنها يقلل من فائدتها !!!!...يعني ينفع اشريها حب و اطحنها و اخذها مع كوب حليب؟؟؟

الحلبه للطبخ مع المرقوق والمرقه والاكل

نعم حب تطبخ مع الاكل ..

مع الحليب ...

افضل طريقه ..

بقدر صغير حليب طازج المراعى مثلا
وحلب حب وفلفل اسود شوى

واللى فيها بواسير لاتحط فلفل تيجى البواسير مع الولاده احيانا ..

سيطبخ الحليب ويصب بكوب ويركد ويشرب ساخن ...

الحلب يقل الفائده بالطحن اذا طول ..

يعنى لا تحطحنين وتخلينه

استخدمى على طول .. اذا ودك مطحون ...





الرشاد !!!!!!!!..احترت فيه من كثر ما اسمع ناس تمدح و ناس تسب ..يا ليت اعرف رايك و ايش فائدته للنفاس بالظبط ؟ و هل كثرته مضره فعلا و تسبب ضرر للرحم؟

الرشاد يحط مع التمره ... + السمن + الفلفل الاسود + حبه سوداء

ويكون حب .. ويكثر الرشاد بالتمره ... ماقدامك الا العافيه

وتاكلين من التمر طول الربعين باى وقت ..

ويضاف بعد للمرقه والاكل حب يطبخ معها ..

ماتشوفين الا العافيه ....





- دواء القهوة !!..وش تسوي اللي ممنوعه من القهوة و الشاهي..يعني حتى ما تقدر تخفف منها ..لانها تتعبها جدااااا..يعني تستغني عن دواء القهوة ؟؟؟...و الا ينفع تنقعه بماء دافي و تشربه ؟؟؟؟؟؟؟؟؟


ممنوعه من القهوه ... انتى ابخص بصحتك اذا تضرك ابعدى ..

مع انى مو شايفه ذاك الضرر ..

ممكن تسوين قشر قهوه

او قهوه شعيراذا يناسب معك

او تسوين شاى الاعشاب

كمون + دارسين بس بدون سكر

وتحطين دواء القهوه وتشربين .. افضل من المويه





الرزنة كم يوم تؤخذ في النفاس ؟
انا قلت مع كاسه الشاهى ..

يعنى بيكون اخذك لها قليل ...

كم كاسه شاهى تشربين وانتى تقولين يضرك الشاى وممنوعه منه ..

حطى بشاى اعشاب واشربى ..

او مويه حاره ..


او بكوب حليب

انا اطحن بعلبه صغيره بالحيل

واستخدم على حسب شربى للشاى ...

طول النفاس...

المهم يخلص النفاس مخلصه العلبه

موفقه خير

عندي سؤال:ليش مااستخدم الكرسي الافرنجي؟طيب الخياطه من تحت تنفك /واذا انا فهمت غلط فهميني انا بكر ولا اعرف شي


من قال ماتستخدمين الكرسى الافرنجى...

؟؟؟؟؟؟؟؟؟؟؟؟؟؟؟؟؟؟؟؟؟؟

الكرسى الافرنجى افضل وقت النفاس والدوره
والى حمامها مافيه كرسي افرنجى

تركب ماياخذ يوم بالتركيب ..

الكرسى الافرنجى افضل ....

اولا طريقه الجلوس مايجيك هواء

تجلسين وتضمين رجولك

مو تقعدين مبوبزه

زى المرحاض الارضى

والافرنجى افضل للخياطه

واسهل بالقومه ,, وانتى نفاس

والافرنجى انجح باستخدم الكبو وافضل

انتى فهمتى غلط

انا مو ضد الكرسى الافرنجى..

انا سافرت مره ولدت عند اهلى ....

ماعندهم كرسى افرنجى ..

جبت سباك وركبت ..




حبيت اسألك وش الماش لاني رحت للعطاره وطبت ماش وعطاني حبوب خضرا ليت تجاوبيني والله ماني عارفه كيف اشكرك الله يوفقك



نعم هى حبوب خضراء

وروحى للعطار كبير ومعروف .. بيعرفها ...

خوذى منها اذا انتى تجهزين لللنفاس

تحتاجين كميه

اولا ...

لهوم العشرين يوم الاولى

ماش + حلب

جهزى علبه تكفيك عشرين يوم واعملى حساب اخت النفاس عقب الاربعين

وتستخدمين الماش

بعد مع الاكل ... المرقه والطبخ .. حب



هل يصح استخدموة وانا مو نفاس يعني بايام الدورة
ياليت توضحين لي

والماش وشو ماعرفتة
وقشر الرمان ممكن ينشرب ويتغسل بية




اللهوم يصلح تستخدمينه ايام الدوره ...

والدوره قلت قبل كذا ماتختلف بالنظام عن النفاس

الدوره اخت صغرى للنفاس كبير
الى تسوينه هنا تسوينه هنا ...

الماش

حبوب خضراء صغيره

وتحتاجين كميه كبيره منه ايام النفاس

القشر ... غسول

ولا يشرب

يطحن ,,,, ويضاف للمكونات الغسول

مره وارطا ...







سؤالي انا كان عندي الصوت هذا من اول اللي هو الخراب واعترف اني بنفاسي اللي راح ماسويت شي كنت مرة صغيرة وماعندي احد يعني عمري 17 سنة وامي بعيدة بديرة ثانية ولا احد نصحني بشي
المهم جاني الخراب وانا صراحه توقعته عادي بعد الولادة ومستمر معي 7 سنين والحين انا نفاس بطفلي الثاني ونفس الطريقة ماعندي احد يساعدني بشي لاكن اخذت نظام للنفاس واحاول اطبقة
الصباح افطر تمرمع رشاد وسمن عالريق مع قشر قهوة بعدها اشرب حليب بالحلبة ويكون هذا مشروبي القشر والحليب بالحلبة الين الظهر طبعا افطر عادي بيض مسلوق او كبدة او شكشوكة خخخخخخ مع خبز الظهر غدائ سليقة اللي هي مرقة حقت اللحم طبعا من المطعم لان ماعندي احد يسوي لي لاكن ماعليها طعمها زين ومبهره ومفلفة مع لحمة او دجاج او رز
العصرية يجون زيارات واكل شعبايت عيش رز وسليقة وقطايف مرقوق وفته ومن هالشغلات كلها شعبيات والعشا اخفف دايما واشرب ينسون وكمون واشرب حلبةة ونعناع
واغسل بالمرة والرمان فقط
والبخور الكبو ماسويته لحد الان لاني تعبانة ومقدر اجهزة وانا لي 5 ايام نفاس هل نظامي صح وراح يشيل الخراب ولا لا
مع العلم اني بسوي طريقة الكرشة خلال هالاسبوع ان شاء الله ياليت تردين علي نظامي زين او ناقص شي مهم وضروري







اهمال وانتى معترفه ...


وصوت سبع سنين وساكته ...

شلون تحملتى ...

فطورك ماعندى اعتراض بس ليه ناشف ,... ليه ماتفطرين

خبز صاج او جمريه بادويه ..

يبدو لى انك مو جاهله بلامور

والدليل احساسك انك اكيد بيجك خراب

بس ظروفك صعبه

ماعندك احد ..

نظام زين بس خفيف ..

حاولى تكملين .. الكبو

واذا انتى لللحين نفاس

عليك بالكرشه

وسوى لك لهوم

ماش + حلب

يسف سف على كوب حليب ساخن ...



انا مستحييييييييييييل اقدر احط الحلبة بفمي او اي شي عليه حلبة ماتتقبلها نفسي بشكل فضيع فهل ممكن اخذ كبسولات الحلبة فقط؟



لازم تتعودين.,,

شلون بترجع امورك وبعض البنات ماتحب ريحه الادويه

كولى حلبه

استفرغى

مو مشكله

مره

مرتين بتتعودين ...

شوفى طريقه اخف على نفسك

يعنى اطبخيها مع حليب ساخن واشربيها

اطبخيها مع مرقه او مرقوقه بيضع طعمها شوى وحاولى تاكلين ...

اقراص الحلبه الطبيه ... مامدح ولا ذم

بس انا متاكده لاتساوى مفعول الحلبه الطازجه

الحلبه افضل من الاقراص

طيب ...

حطى فى بالك وانتى نفاس او دوره

ان غيرك افضل منك ...

وانتى بيدك تكونين مثلهم ليه ترضين بالشين ,,,

حلولى ...

لان الشى يضرك ..




ضرررغسل الشعر اثناء الدوره
وشوفى النتيجه

الوقف تحت الدش للنفاس

والمويه تصب علىراسك دمار لك

وضعف للمبايض

اسئلى اى عاقله تخبرك بهذا

وغسل الشعر للنفاس فوق ضعف المبايض يوقف الدم

ياختى الكلام مفروغ منه

لانه لايختلف عليه اثنين ...

انا مو ضد النظافه
ولكن قلت الاستحمام للنفاس له طريقه خاصه
يغسل الجسم من تحت

وللمعلوميه بعضهن لاتغسل بل تمسح بفوطه مبلوله

والشعرنعم
اقولها واعيدها مرات

ومراااااااااااااااااات

لايغسل اثناء النفاس

كثير

حتى ثلاث مرات كثير

لكل من تبحث عن مصلحتها

واى وحده تغسل شعرها واقفه تحت الدش

تبنى زوايه بخراب حياتها الزوجيه

لانه له ضرر كبير عليها

بسألك فيه ناس يقولون حتى لما تجي تتحممي وقت النفاس حتى الرجول لايجيها مويه ماادري صح هذا الكلام ولا لأ؟؟؟؟؟
طيب واذا كان صح لين جيت استخدم الغسول مااستخدمه وانا واقفه في البانيو ولا كيف؟؟؟؟؟؟؟؟؟؟؟؟
ردي علي الله يجعله في ميزان حسناتك




طريقه الاستحمام وقت النفاس تكونى جالسه ماتوقفين تحت الدش لاتخلين المويه تضرب راسك وانتى واقفه

رجولك يجيها مويه بس لا تفتحينها

ضميها جمب بعض

الغسول ...

يكون بعلبه عندك بالحمام وتحطين شوى منه بسطل كبير وتحطين عليه مويه حاره او دافئيه اللى

تقدرين تتحملين الحراره

واغرفى بطاسه حقت الحمام واغسلى المنطقه وانتى جالسه مبوبزه

الغسول مدته دقائق



سؤال شرايج بشرب الماي اثناء النفاس زين ولا مو زين ؟؟


مانقدر نقول لاحد لايشرب
اشربى بس تكون مو بارده

طبعا كثره المويه اكيد مو زينه

بس خلى شربك معقول

انا بالنسبه لى اشرب بالنفاس اذا عطشت

المنقوعه ازود عليها شوى مويه معقوله البروده واشرب



\سؤال صغير وش احسن نوع اللحلب ؟



اللى اعرفه نوع واحد من الحلب ماغيره

يمكن تكون هناك انواع رخيصه

هنديه مثلا ...

اطلبى نوع غالى .. مو الرخيص




اسألك المنقوعه متى اخذها طول وقت النفاس والا كيف؟؟؟ واشرب منها مقدار فنجال ولا ايش المقدار وكل يوم انقعها ولا اعبي القاروره مويه واحطها في الثلاجه وكل يوم اشرب منها.




المنقوعه طول اللنفاس نعم ... واشربى منها باى كميه ,...

عبى القاروره نص تعبئيه ولما تجين تشربين زودى عليها مويه معقوله البروده واشربى

نعم حطيها بالثلاجه

وكل فتره جدديها

انا شخصيا استغنى عن الماء ايام النفاس واعتمد عليها ... قد ماقدر




الرشاد متى ينوخذ بالعشرين الاولى من النفاس ولا بس الاخيره


الرشاد باول النفاس يؤخذ مع التمره ... يخلط مع مقادير التمره ....فقط

ويؤخذ باخر الايام مع السفوف..






اختي بغيت اسئلك انا نفسي مسدوده عن الاكل يعتي باختصار طول اليوم وانا جوعانه ولي هلحين 22 يوم من نفاستي وش اسوي علشان تفتح شهيتي وبالنسبه للكرشه اللي ياكلونها الخربانات وش طريقتها بالتحديد

طبيعى تسالين عن علاج الخراب ... وانتى ماشيه فيه

انتى قاعده تحطين زوايه كبيره بالخراب

اى نفاس كامل يكون سليم من ثلاث

الجوووووووووووووووووووع

الشممممممم

الهوااااااااااااء

وانتى متمسكه بااكبر مخرب الجوع

الجوع دمار للنفاس..

ليه الشهيه مسدوده,,,

انتى تطبخين بنفسك ماعندك احد وانسدت نفسك ...

او تكرهين ريحه الادويه ....

فيه نوعيه من الحريم وهى قله الحمدالله

يستمر معها الوحام لنهايه الاربعين

وهنا مصيبه ...

حاولى تاكلين وانتى مغمضه

استفرغى ..........

مو مشكله

مره ومرتين ...

حطى قدام عينك انك بتخلصين الاربعين

وش بيكون حالك مع زوجك

ماتسوى عليك يسمع منك صوت طالع

النفاس فتره ذهبيه للى تعرف تتعمال معها ..




عندي سوال الله يجزاك خير وهو عن اختي
اختي والده قيصري وهي اول وحدة عندنا بالعيله تولد قيصري ومانعرف هل نظام القيصري نفس الوالدة طبيعي؟
وامي سمعت ان الكبو موزين للقيصري ما ادري هذا صح ؟
وكيف تعتني بالجرح عشان يطيب بسرعه؟


نعم نظام القيصرى نفس نظام الطبيعى ...


ماعدا ...

القيصرى ماتشرب حليب اول الايام يسبب امساك والشى خطر على الجرح فقط اول الايام

القيصرى ... ماتربط بطنها مثل الطبيعى ...

والباقى نفس النظام

اكل

وشرب

وممنوع

وكبو

والاعتناء بالجرح عن طريق

الاهتمام

والاكل ...

وابتعدى عن الشمم لانه اخطر شي تتعرض له القيصريات





حبيبتي بسألك عن المنقوعه كم مقاديرهابالضط



المنقوعه ......

ملعقه عنزروت + ملعقه مره + شوى محلب

كثره العنزروت انتى ابخص بنفسك اذا توجعك قللى ..

ممكن تكون ملعقه المره كبيره

وملعقه العنزروت صغيره

المنقوعه مهضم ممتاز وملين وتنظف الامعاء

وحطيها بالثلاجه


دورتك مو منتظمه ... وقليله بعدد الايام

والشى يتعبك مو زين لك ..

يمكن تخلبطت الهرمونات عندك بعد حبوب منع الحمل

بالحاله تروحين دكتوره ,,, تشوفين وش المشكله

لان دوره بالنظام ماتنفع ابدا ...

احط لي كاس حليب واحط عليه ملعقه لهوم(ماش - فلفل ابيض-زنجبيل)واشربه على الريق


جيد .. بس ليه ماتضفين حلب للهوم هذا افضل خاصه اول الايام ,...

تاكلين تمر برشاد وحبه سوداء وفلفل اسود حلو ...

نظامك زين بس ناقص ,,,

الغداء والعشاء حاولى تاكلين مرقوق وبر افضل لو وجبه بين الوجبات

اى اقول دائما اى وحده ينزل معها دم غير صافى ... يعنى قطع جامده زى قطع الجلى

او على قولتك زى الحم المفروم

الشى دليل خلل ....

الدم يكون صافى

بعضهم تقول نزل منى قطع جامده زى الجلى وتحسب الشر نزل

الشى دليل ان دورتك السابقه فاشله ...

نومه للظهر غلط ...

الجوع غلط

القرفه والمرميه عادى شربهم مامنهم خلاف ,,,,

روحى للدكتور شاطره تشوف مشكله الدوره عندك

دورتك هى اساس مشكلتك





انا قريت انه الوحده تروح للمراخه وهي في الاربعين متى تروحلها بعد الولاده ؟
وربط البطن متى يكون بالضبط؟
والكبو هو انه الوحده تتبخر من تحت و كيف طريقته؟




المراخه ,.... اعرف تروح لها وحده طولت ماصار معها حمل

تروح بعد ماتروح للمستشفى ويثبت مافيها ولا فى زوجها شي

هنا تروح للمراخه ... ممكن يكون عندها ميلان بالرحم

والله اعلم

بس بعد الاربعين

وشوله اروح للمراخه !!

_____________

ربط البطن ...


الطبيعى بعد الولاده

من الاسبوع الاول ....


وتربط بالشماغ افضل وتدهن البطن بجوزه الطيب

او زيت زيتون وتربط بشماغ

القيصرى هنا المشكله ... ماتربط

واذا تم الربط بيكون متاخر لان الجرح طرى

واذا صار ربط بيكون فاشل ... مايعطى نتائج حلوه مثل الولاده الطبيعى ..

_______________

الكبو


تجمعين انتى مكونات الكبو ....

وفيه عند العطار نوعين كبو

كبو شمم

كبو هواء

كبو الهواء هو كبو النفاس والدوره

وكل النوعين الجاهزين عند العطار فيهم مواد غلط مو زينه

اللى تعرف تشيلهم

واللى ماتعرف تجمع الكبو بنفسها

وتطحنه وتحطه بعلبه بالحمام

والطريقه ..

تحطين فحم على النار

وغلفى صحن بلاستيك عندك قديم غلفيه بقصدير

وحطى الفحمه بالصحن

وحطى من مكونات الكبو على الفحمه

وحطى الصحن بوسط الكرسى الافرنجى بالحمام

وشيلى ملابسك الداخليه الكلوت

واجلسى على الكرسى عادى

حاولى قبلها تتبولين

لان المثانه اذا فيها قطرات بول بينقط على الفحم ويخرب عليك الكبو

وتظطرين تسوينه مره ثانيه ..

اجلسى لحد مايخلص مفعول الكبو

وطبعا سكرى مرواح الشفط بالحمام

وانتى جالسه ضمى رجولك جمب بعض

واذا خلصتى البسى ملابس داخليه

وسروال طويل

واحلى وقت للكبو عند النوم

ويستخدم اخر ايام لدوره

واخر ايام النفاس

الا اذا جاءك شممم

لا يستخدم قبل

ابسالك انا بكريه ومولده قيصيري لي 20 يوم بس الاحظ ماينزل دم معي كثير يعني اقعد يومين ثلاثه وبعدين ينزل شي بسيط

مع العلم اني مداومه على الاكل وادويه النفاس ومهتمه بنفسي نفس كلامك



القيصرى نعم ماينزل معها دم

قليل مقارنه بالطبيعى

بس اخت النفاس بتكون عليك قويه

اهتمى فيها ... مثل اهتمامك بالنفاس واكثر


المهم بموضوعك ...

اذا وقف الدم ... وانتى بالاربعين

لا توقفين نظامك


استمرى اكل

واشرب

وابتعاد عن الممنوع

وكبو

وكل شي

خلى نظامك ماشى


ولا تظنين بتوقف الدم خلصتى ...


موفقه خير





وكمان الكبو كيف الوحده تستخدمه وما عند اهلهاحمام افرنجى؟


الحمام الافرنجى اريح باالاستخدم للنفاس...

واسلم للخياطه..


ماعند اهلك

ركبى واحد

التركيب ياخذ ساعه بس

جيبى سباك ويركب كرسى افرنجى خلال ساعه... وممكن بعد الاربعين خلاص تشيلينه

او

فيه بالصيدليه كراسى للحمام

جيبى لك واحد وانتى نفاس


موفقه خير



انا بنت ومع هواء ذبحنــي وافرازات .. ودايم مبلوله من تحت



عطى نفسك 3 دورات علاج

3 شهور

ابدى من الدوره الجايه

بس تكون عندك عزيمه

مو تخربطين وتقولين مليت


ابتعدى عن الممنوع بالاكل

ايس كريم

بيبسى

مشروبات غازيه

عصائر

بطيخ

شمام

برتقال

ليمون

وغيرها من اكلات ممنوعه

لا تمشين حافيه

لا تتروشين وانتى واقفه تحت الدش وتخلين المويه تضرب راسك

تروشى من تحت لتحت

لا تحطين رجولك قدام المكيف

الاكل خليه شوى سنع

مرقوق

مع حبه سوداء وماش وحلب

وفلفل اسود

ابسط شي

اسلقى لك دجاجه مع بصل وثوم بدون خضار

على مويه بيضاء وحطى معها

حبه سوداء

حلب

وماش

اشربى حليب ساخن مع فلفل اسود

حطى بالفوطه الصحيه حقتك كسره مره

او مسحه حلتيت والبسى الفوطه

واياك تستخدمين تحاميل وانتى بنت احذرى

سوى لك كبو اخر ايام دورتك

اذا دورتك خمسه ايام اخر يومين

واذا اكثر من خمسه اخر ثلاث ايام

اعبطى شوى تمره مع رشاد وفلفل اسود وحبه سوداء


وزيت زيتون وكلى منها وخلى الحلى عنك

حطى بفنجالك دواء قهوه اذا امك تعرف خليها تصلح لك علبه

وحطيها بالثلاجه كل دوره تستخدميه

اخلطى لك سفوف وسفى منه بايام دورتك

سوى لك شاى اعشاب

بترمس واشربى منها دائم


ارفقى على عمرك

وانتى بنت


عندي سؤال
الحين الوحده اذا ولدت وكانت في المستشفى طبعا بيكون بطنها فاضي وتعرفين اكل المستشفى اضطر اكله لانه ماعندي احد يسوي لي اكل
بس ابغى شيء اشربه يعني ايش افضل شيء انا كنت اشرب عشرق لاني اعاني من الامساك والشرخ فاخذه اخاف من الامساك


عادي اخذه ولا استبدله بشيء ثاني من الاعشاب


السؤال الثاني ايش افضل شيء للاطفال بعد الولاده يخفف المغص



بالمستشفى يازين القهوه اذا جتك مع تمره برشاد وحبه سوداء

مع دواء قهوه ...

وافضل شي شاى الاعشاب ... حق النفاس

الامساك اذا كنتى قيصرى .. يعطونك حبوب بالمستشفى عاده

مغص الاطفال

نينسون ...

وحلبه بشوى سكر نبات ...

موفقه خير





انا حبيت نظام فيافي وبمشي عليه ان شاء الله وهو قريب كثيييييييييييير من نصايحك


بس ممكن اني اسوي قشر قهوه مع زنجبيل وشمر وقرفه مثل القهوه وإلا اكتفي بقشر القهوه اللي مع اللهوم يعني عاد\ي لو اضيف شرب قشر القهوه




وكمان سؤال انا سببت لي التحاميل اللي فيها ملح بعذاب وحكه عشان كذا بستعيض عنها بتحاميل طبيه عادي وإلا لا ؟وكمان بسألك غسول الارطا يوميا يعني من اول يوم وهل هو الدباغ ؟






نظام فيافى حلو ..ماعليه بس شاى الاعشاب ثقيل

اشربى قهوه مره عاديه مع تمره ورشاد
وقشر قهوه بطرقتك الى تحبين


نعم اذا معك حكه وقفى التحاميل

واستخدمى طبيه يوم وراء يوم بس شوفى نوع جيد

غسول من اول يوم نعم

والدباغ شي اخر

كركم وقشر رمان

يختلف عن الارطاء

وكلهم ممتازين

الأرطه وقشر الرمان كيف يستخدم وما فائدتهم

وايش هو الكبووووووو>>>>



الارطاء وقشر رمان هذا غسول

تغسلين المنطقه ويضاف لهم مره ويكون الجميع مطحون

والكبو = البخور ...

تتبخرين فيه من تحت يعني زي البخور تبخر المنطقه الحساسه وهي واقفه



امي تقول غلط كبير تستخدمين قشر الرمان والارطا في اول النفاس لانها تيبس الغرز وتطيح قبل مايجبر ويلتأم الجرح

وش رايك ؟؟؟؟؟؟؟




الغسول يستخدم اول النفاس

مامنه ضرر ان شاء الله ...

الجرح يلتئم اذا فيه اكل سنع بعون الله .,,,ومايجيك شمم يفك الخيوط الغسول مامنه ضرر







__________

الوبياء زينه ومامنها ضرر

تطبخ كخضار مع المرقه والمرقوق ...

___________________


الادويه الى تسويها لك ماما الله يخليها مافيه مشكله تنحفظ بالثلاجه ..

انا مثلا اجهز ادويه نفاس وازود الكميه عشان اخت النفاس

والدورات الى بعدها

وبالدورات اجهز حق ثلاث شهور واحفظ بالثلاجه ..

______________________

الماء والملح واضيفى معم مره

زين ماقدامك الا العافيه

خايفه من الجلوس

توضى وضوء من تحت بمويه وملح ومره

________________

الشماغ افضل من المشد الاندونسى نعم

وحركه الزنوبه شفت حريم عملوا بها بعضهم ظبطت معها وبعضهم لا

مو مهم عندى الزنوبه بقدر الشماغ نفسه

وادهنى بطنك قبل الربط

زيت زيتون

او

دهن جوزه الطيب

الشيء التاني المنقوعة دي ماشاء الله عليكم كيف تشربوها طعمها وععع ولازم منها ولا أقدر أستغني عنها



المنقوعه طعمها موشين ,,,

وتكون متقبله لك بالنفاس لانها تكون بمويه باره

والنفاس عاده يجيها عطش كبير

وتشرب دائما المنقوعه بدون رفض

بس جددى القاروره كل مره واحفظيها بالثلاجه

يمكن انتى كانت مقادير المنقوعه عندك ملخبطه زودتى شي
ونقصتى شي

عشان كذا صار الطعم غير مقبول

لا تستغنين عن اى ركن من اركان النفاس

قللى الشرب منها

بس استغناء لا ...

حاولى تشربين شوى شوى ..
_________________



وإيش يعني دوا قهوة

دواء القهوه

مجموعه ادويه تطن وتحط بعلبه

وتشرب مع القهوه المره

والتمره برشاد

تحطين بالفنجان حقك شوى وتصبين عليها قهوه
ويكون الفنجال مليان مثل صبت رمضان

وتشربين

وتاكلين تمره برشاد

ودواء القهوه من اول يوم نفاس الى اخريوم يستخدم

__________________







ممكن تكتبيلي نظام سهل ومبسط ومافيه تعقيد للنفاس




النفاس مافيه اى تعقيد مجرد رغبه وعزيمه ان تكونين صح بنفاسك تكفى ...........


بخطوات بسيطه اقدر اقولك ...

غسول الصبح بدرى

دواء قهوه مع تمره برشاد وحبه سوداء وسمن برى

سفوف العشرين الاولى

سفوف العشرين الاخيره

عصيده اول الايام

كبو ليله وراء ليله

تحاميل بالبيت يوم وراء يوم

شاى اعشاب دائم وبكل وقت بالنفاس

منقوعه ..

دواء التنشيف من المويات

اكل سنع وصح وبر ومرقوق

ابتعاد بعد تام عن الممنوع با الاكل

الترويش يكون صح

رراحه نفسيه مطلوبه

وتطلعين احلى ...

ماهو الكبو


نوعين

كبو شمم

كبو هواء اللى هو كبو النفاس

والمكونات
فلفل هواء

عود هواء

قشر بصل

كمون

قرن بقره

مره

خواجوا

وممكن تضيفين رشاد معهم بدون طحن

والكبو اخر اليوم بالليل يوم وراء يوم اخر النفاس

الا بحاله شمم يستخدم قبل


الممرخه اعرف انها تمرخ بس

مدرى عن الادويه

بالعموم اذا كانت ثقه ومعروفه وممدحوه لك

احد جربها ومدحها

ماقدر احكم على ادويه مطحونه من وصف

نعم ممكن تستخدمين مع الادويه الكبو

الصوت ارجع واقول رغم كل الهجوم ضدى

مالك الا تعطين نفسك مده علاجيه شهرين او اكثر

وتسوين الكرشه

اللى للاسف حذف موضوعى بها





ممكن سؤال بي ماذا اتبخر في انفاس؟


الكبو هو بخور النفاس

وهو نوعين
كبو شمم

كبو هواء


كم سؤال 1-انا الصباح على الريق اشرب كاس حليب با الحلبه مع ملعقه عسل ؟ واستخدم الماش مع المرق الابيض بدل لهمه هل يغني عن اللهوم الحلبه والماش ؟ ومع المرقوق احط حلبه حب وفلفل اسود تمام كذا ولا لا؟ وشاى الاعشاب وش مكوناته؟


طريقتك زينه ماعندك مشكله

شربتى حلبه بالحليب مع العسل

وحطيتى ماش مع الاكل

ممكن تلهمين ملعقه واحده باليوم بدل من مرتين مع نظامك هذا ..

مع المرقوق تحطين فلفل اسود وحلبه تمام كذا بس اضيفى

حبه سوداء وماش

____________


شاى العشاب

له مكونات كثيره

كمون

حزاه

حبه حلوه

قيصوم

وغيرها





اش فايدة العسل للنفاس ؟؟ وهل هو منظف للرحم؟



العسل افضل من السكر بشكل عام للصحه عامه

ويستخدم بالنفاس لانه مطهر ومعقم للجروح ومقوى عام بس يشرط

يكون اصلى اصلى صح ...

تحطينه مع شاى الاعشاب بدل السكر

مع الحلبه تطبخ وتحلى بعسل وتشرب

العسل مايكون منظف للرحم بحد ذاته دون اضافات اخرى

من اكل

وادويه ..




ما الفرق بين الفلفل الابيض والاسود ؟ لاني اسمع يمدحووون الفلفل الابيض ؟


الفلفل الابيض هو الاسود بس مقشور

ويختلف الاثنين باالرائحه والطعم

بالنسبه لى

علاقتى طيبه جدا مع الفلفل الاسود

ولا اعرف غيره

ولا افكر اجرب بدله بالنفاس

اشتريه حب

وانا احطنه بنفسى ...

__________________



هل تنصحين بوضع (قربه ماء حار)على البطن طول ال20 يوم الاولى عشان يتحرك الدم ؟



الدم مايتحرك بالطريقه

دون اكل صح وشرب سواخن وادويه زينه

وجركه طبعا تمشى الوحده وتفك رجولها شوى ..


القربه ماعندى مشكله منها

زينه ايام البرد للى تولد بالشتاء

ممكن تستخدم

بس لوحدها غير كافيه للتنزيل الدم ..

يعنى لو حطيتى قربه على بطنك

ومافيه اكل

مافيه دم..






ممكن احط على الفوطه عشان يعجل التأم الجرح وسقوط الخيوط؟

مسحه حلتيت رطبه ...

تكون رطبه رطبه

لن الحلتيت نوعين

يابس ورطب

ومره ..

____________



حبيت اسألك عن الحليب للقيصريات متى بالضبط يعني بعد عشرة ايام من الولادة عادي اشربه ومافي ضرر
وبالنسبة للغسول انا احطه في علبة رش مثل علبة ملمع الزجاج وارش على المنطقة عادي ولا غلط



الحليب للقيصرى منوع اول يومين ثلاثه من النفاس

بعدها تشربينه ساخن عادى وحطى معه فلفل اسود .. او حلبه مطحونه

وحليه بعسل ..

________________________


الغسول مافضل الطريقه

احسك تطولين ترشين ومايوصل ولا يغطى المنطقه ...

افضل بسطل كبير مويه دافئيه وتتوضين ..




وفيه وحده تقول بدال الحلب حطي عدس مع الماش .......



العدس انا احطه مع العصيده بالنفاس

والحلب ما تستغنين عنه .... اول الايام .... مره ,, مرتين ,,, بيحلها ربك

اهم شي مصلحتك ...

وحتى لو اضفتى لخلطتك عدس مايغنى عن الحلب



بس امي تقول غلط كبير تستخدمين قشر الرمان والارطا في اول النفاس لانها تيبس الغرز وتطيح قبل مايجبر ويلتأم الجرح

وش رايك ؟؟؟؟؟؟؟

الغسول يستخدم اول النفاس

مامنه ضرر ان شاء الله ...

الجرح يلتئم اذا فيه اكل سنع بعون الله .,,,ومايجيك شمم يفك الخيوط الغسول مامنه ضرر



الوبياء زينه ومامنها ضرر

تطبخ كخضار مع المرقه والمرقوق ...




___________________


الادويه الى تسويها لك ماما الله يخليها مافيه مشكله تنحفظ بالثلاجه ..

انا مثلا اجهز ادويه نفاس وازود الكميه عشان اخت النفاس

والدورات الى بعدها

وبالدورات اجهز حق ثلاث شهور واحفظ بالثلاجه ..

______________________

الماء والملح واضيفى معم مره

زين ماقدامك الا العافيه

خايفه من الجلوس

توضى وضوء من تحت بمويه وملح ومره

________________

الشماغ افضل من المشد الاندونسى نعم

وحركه الزنوبه شفت حريم عملوا بها بعضهم ظبطت معها وبعضهم لا

مو مهم عندى الزنوبه بقدر الشماغ نفسه

وادهنى بطنك قبل الربط

زيت زيتون

او

دهن جوزه الطيب





إيه صح نسيت الغسول الأيام الأولى مر وملح فقط في الأيام الأخيرة إرطا بس شريتها مطحونه مع العلم إني بحث عن أعواد وما حصلت إلا مطحونه وقشر رمان ؟



المطحون مانصح فيه خاصه من عطار

نعم الايام الاولى مره وملح



بسالك سوال بالنسبه للتحاميل المره والمحلب والملح كم مقاديرها والعسل كم المقدار اللي نحطه علشان نعجنهم مع بعض؟




طريقه مكونات التاحاميل


ملعقه كبيره مره مطحونه

فنجان ملح

ملعقه كبيره محلب مطحون

تعجن بعسل

وبللى يدك بشوى مويه ونتي تعمليها زي التحاميل وبعد ماتجف ضعيها تحفظ بالثلاجه




كيف استخدم الكبو ؟؟؟؟؟؟؟؟؟؟




كيف استخدم الكبو ؟؟


اجمعى المقادير الكبو

وتطحن

توضع بعلبه

ويكتب على العلبه كبو

ونحطها بالحمام

يستخدم الكبو

اخر الايام

بالدوره اخر يومين او ثلاثه ايام الاخيره

بالنفاس اخر العشرين الاخيره

الا بحاله وجود شمم قبل



تغلفين صحن بلاستيك عندك قديم بقصدير

تحطين فحم على النار

الفحمه بالصحن

تحطين من الكبو على الفحم

تشلين ملابسك الداخليه

وتحطين الصحن بوسط الكرسى الافرنجى تحت بوسطه

طبعا تتبولين قبل لان المثانه لو فيها نقط بول

تنقط على الكبو ويخرب عليك


تجلسين كانك بتقضين حاجه

طبعا مروحه الشفط تكون مسكره

وتجلسين لحد مايخف مفعول الكبو ويخلص

تلبسين ملابسك

والبسى فوطه حتى بدون دم عشان الهواء

والبسى بنطلون

ويفضل الكبو اخر الليل وتروحين فراشك وتغطين رجولك

وغلط من تسوى كبو وتتروش عقبه

عندي سوالين

الاول اتسبح بماي بارد او حار

شو هو السفوف ما اعرفه ياريت اذا في وحدة من الامارات تخبرني او من سوريا


الماء البارد يوقف الدم

وبالصيف خلى المويه دافيه شوى اقرب للحار

حتى لو حر بس الضروره هذا بالدوره والنفاس


السفوف
مجموعه ادويه مخلوطه مع بعض


تاخذها الوحده ايام دوره ونفاس للفائده


انا نفاس لي 10 أيام يصير أتنقع في ملح خشن ومره
وأتشفطف بغسول المره والأرطا
علما اني مافيني توسيع وجراحه


تنقيع لا

غسول نعم

والطريقه

اول الايام

مره وملح

غسول الايام

اخر الايام الدباغ القشر رمان مع ارطا


الأرطا وقشر رمان العشرين يوم الأخيره
طيب كم المقدار وكيف الطريقه
والتنقع يعني حتى اخر الايام مايحتاج كفايه الغسول


التنقيع اخاف منه اخاف من دخول الهواء

الغسول يكفى

الارطا وقشر رمان

تكسر اعواد الارطا وقشور رمان

وتطبخ طبخ بقدر

وتترك تصفى

ويستخدم غسول


بالعشرين الاخيره نعم



انا استخدمت الكرش مرة في دورتي ولا لاحظت اي فايدة منة
انا ما اقدر اجيب كرش في كل دورة
هل استخدم الخبزة الي بالفرن يوميا في ايام الدورة او يكفي يوم واحد من ايام الدورة هل التكرار في نفس الدورة انفع من يوم واحد ولا النتيجة وحدة يوميا او يوم واحد
وكم دورة استخدمة 3 يكفي او كل دوراتي



الطريقه تبى دقه

وقليل تظبط معها

الخبزه تستخدم مرتين بالدوره يكفى

ولو ظبط معك مره وحده تكفى

كل دورتك لا

هذه مشكله اذا خلصت خلاص

بس تهتمين بدورتك الجايه عشان ماترجع



طيب بالنسبه للجفاف تنصحيني اخذ زنجبيل واكثر شرب مويه في النفاس حتى افكر اخذ اشياء لزجه في الاربعين زي المنجا والخيار والباميه والملوخيه لان لي سنتين اعاني من جفاف شديد مضايقني والدكتوره كتبت لي من سنتين تحاميل بوثيل بعدالاربعين من بعدها جاني الجفاف


لا لا

وش ملوخيه

وباميه

لا

الفاف يعالج عند دكتوره


لكن الخراب صعب علاجه

والباميه ماراح تخلصك من الجفاف بتسبب لك مويات فضيعه انتى بغنى عنها


التحاميل لا تستخدمينها

من جد الله يعطيك العافيه ويبارك لك بذريتك يااااااااااااااااااااااااااارب

متى ابدا استخدم التحاميل وهل هي (مر...وقشر رمان ...ومحلب ...وملح وهل اقدر استغنى عن الملح


ومتى اقدر استخدم غسول القرض وقشر رمان والملح ومشكوره ع الموضوع الغاليه

ازيكو يا بنات عاملين ايه انا مدام وسام انا مصرية وعيشة فى الرياض جوزى بيشتغل محاسب انا بحب النت جدا وحابة اعمل صدقات على النت لانه فعلن بيسلى الواحد وبعرف افضفض فيه انا ابنى معاذ كان عندى حرق فى ايده بسبب مياه سخنة ادلقت عليه وبعدين اتعالج هنا فى مستشفى السعودية لكن كانت اثار الحروق باينة فى ايده ويوم ما نزلت مصر فى الاجازة رحت لدكتور ابراهيم كامل وانا شفته كتير فى التليفزيون وهو نصحنى بعمل عملية تجميل بسيطة وجلسات ليزر على الحروق . والله الحمدلله فى خلال شهر الحرق اتحسن حوالى 80 % وانا كنت خايفة لان الولد فى المدرسة الولاد بتعايره بس انا الحمدلله بقيت مطمنة . ياريت يابنات تبعتولى ونتواصل على النت واللى عايزة رقم تلفون الدكتور ابراهيم كامل وعناونه وده على فكرة ده احسن واشهر دكتور تجميل فى مصر

مصر الجديدة :16 (أ) عمارات العبور طريق صلاح سالم امام بانوراما حرب اكتوبر
المهندسين : 21 ش مكة متفرع من محى الدين ابوالعز –امام بوابة 5 نادى الصيد- الدقى
تليفونات: 24019198 -24019197 (202+)
7614232 3 - 37614236 (202+)
01001452066- 01226465155 (2+)

ياشيخه الله يوفقك